| e-texts navigator |
| Wylie |
344a1 དང་བྲལ་བདེ་ཆེན་པོ།། གསང་བ་ཆེན་པོ་མཁའ་ལྟར་དག། དུར་ཁྲོད་ཆེན་པོའི་དཀྱིལ་འཁོར་དུ།། རྫས་གསུམ་རྟེན་ལ་དམིགས་བཅས་ཤིང་།། སྔགས་དང་ཕྱག་རྒྱས་དབང་བསྐུར་ནས།། རེ་དོགས
344a2 མེད་པར་དངོས་གྲུབ་འབྱུང་།། དབང་པོ་ཁྱད་པར་ཅི་འཚམས་པར།། དངོས་གྲུབ་བྱེ་བྲག་ཐམས་ཅད་ཀྱང་།། བསྡུས་རྒྱས་གསུམ་གྱི་ཐབས་ཀྱིས་ནི།། དུར་ཁྲོད་མཆོག་གི་ཕུན་སུམ་ཚོགས།། བདེ་བ་ཆེན་པོའི་རོལ་པ
344a3 ནི།། མ་ལུས་འདུས་པའི་ཐིག་ལེ་ལས།། ཐུགས་རྗེ་འདུལ་བའི་གར་སྟབས་ཀྱིས།། སྣ་ཚོགས་སྒྱུ་མར་བསྟན་པ་མཚར།། ཡོད་མེད་དབུས་སུ་མི་དམིགས་ཤིང་།། བདག་མེད་ཡེ་ཤེས་ལས་བྱུང་བ།། ཐབས་ཆེན་མ
344a4 ལུས་གོམས་པ་ཡིན།། རང་བྱུང་སྒྱུ་མའི་ཕྱག་རྒྱ་ཉིད།། དཔལ་ལྡན་དངོས་གྲུབ་ཀུན་བསྡུས་པ།། རྟོགས་པའི་ཆོ་ག་བཤད་པ་འདི།། འགྲོ་བ་སྐལ་ལྡན་དོན་དུ་ནི།། འདས་པའི་རྒྱལ་བ་ཀུན་གྱིས་བཤད།། གསང་བ
344a5 ལས་ཀྱི་ཁྱད་པར་འདི།། གནས་དང་དཀྱིལ་འཁོར་རྫས་སོགས་དང་།། སྔགས་དང་ཕྱག་རྒྱ་རིམ་པ་ཡིས།། ཞི་རྒྱས་དབང་དྲག་རིམ་པ་ཡིས།། ལས་ནི་རིམ་པ་ཀུན་ཀྱང་འགྲུབ།། བྱ་བའི་རིམ་པ་མཐའ་དག
344a6 ལ།། འཕྲིན་ལས་བཞི་རུ་འདུས་པ་ཉིད།། དུར་ཁྲོད་རྫས་ལ་རྟེན་བཅས་ནས།། རྣལ་འབྱོར་པ་ཡིས་བརྩམ་པར་བྱ།། སྡུག་བསྔལ་དོན་དུ་ཞི་བར་བྱ།། ཚེ་ཐུང་ཕོངས་པ་རྒྱས་པ་སྟེ།། དྲེགས་དང་ང་རྒྱལ་དབང་དུ
iiif viewer powered by OpenSeadragon
