| e-texts navigator |
| Wylie |
343b1 བྱ།། བདག་ཉིད་གྲུབ་གནས་མ་ཐོབ་པར།། བསྒྲུབ་ཅིང་དམ་བཅའ་བརྟན་པར་བྱ།། སངས་རྒྱས་ཀུན་གྱི་སྐུ་གསུང་ཟུགས།། བྱིན་བརླབས་ཐབས་ཆེན་ཀུན་འདུས་པས།། སྲོག་དང་བཅས་པའི་གདུང་དབྱངས
343b2 ཀྱིས།། འཕྲོ་འདུས་དབྱིངས་ནས་ཐུགས་དམ་བསྐུལ།། དུར་ཁྲོད་འབར་བའི་དཀྱིལ་འཁོར་ནས།། མི་གནས་དཔལ་ཆེན་ཧེ་རུ་ཀ།། ཡབ་ཡུམ་གནས་ཀྱི་ལྷ་དང་བཅས།། ཐུགས་དམ་དབང་གིས་གཤེགས
343b3 ནས་ཀྱང་།། དུར་ཁྲོད་རྫས་ལ་རྟེན་བཅས་ནས།། སྐུ་གསུང་ཐུགས་ཀྱི་དངོས་གྲུབ་སྩོལ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། དུས་དྲུག་མཆོད་དང་སྟོང་ཚིག་དང་།། བར་མ་ཆད་པར་བརྩམ་པར་བྱ།། བསྙེན་པས་སྒོ་གསུམ་བག
343b4 ཆགས་སྦྱང་།། ཉེ་བསྙེན་ལྷར་གསལ་སྣོད་དུ་རུང་།། བསྒྲུབས་པའི་དངོས་གྲུབ་དམིགས་ལ་དབབ།། བསྒྲུབ་ཆེན་ཉིད་དུ་བསྟིམ་པར་བྱ།། བསྙེན་བསྒྲུབ་བྱེ་བྲག་བཞི་ཉིད་ནི།། ལམ་དང་བསྒྲུབས་དང་གསང་བ
343b5 དག། ལྷ་ཡི་ཕྱག་རྒྱ་ཤེས་པར་བྱ།། དབང་ཐོབ་ཡོན་ཏན་རྫོགས་པ་དང་།། རྡོ་རྗེ་གསུམ་དང་དབྱེར་མེད་པས།། བདག་མེད་ཡེ་ཤེས་མཁའ་ལྟར་དག། མཐོང་པའི་དོན་ལ་བསྟན་དགོས་པས།། ལྷུན་གྲུབ་ཡེ
343b6 ཤེས་ཐོགས་པ་མེད།། ལམ་གྱི་ཁྱད་པར་ཉིད་དུ་འདོད།། དངོས་གྲུབ་དུར་ཁྲོད་ལ་སོགས་པ།། མཚན་མ་བརྟན་པོ་ཕྱི་རོལ་ཏེ།། རང་ཉམས་གོམ་བརྟན་རིག་པ་འབྱུང་།། ཐིག་ལེ་འབར་ཞིང་བདེ་བ་དག། སྙིགས་མ
iiif viewer powered by OpenSeadragon
