| e-texts navigator |
| Wylie |
342b1 ལམ་བྲབ་ཅིང་སྟོབས་ལྡན་པས།། བདག་ཉིད་སྟོབས་དང་ལྡན་པ་རུ།། གསང་ཆེན་ཐབས་ཀྱི་སྤྱོད་པ་སྟེ།། གྲུབ་པ་ཐབས་ཀྱི་རིམ་པ་ནི།། སྐལ་ལྡན་འགའ་ལས་མ་གཏོགས་པ།། དམན་དང་རང་བཞིན་སྐལ་བ
342b2 ལ།། འཕྲིག་པས་གཉིས་ཀ་ལྟུང་བར་འགྱུར།། མཚན་མའི་རྫས་ལ་བརྟེན་ནས་ནི།། དམན་པས་བསྐལ་པར་མི་རྙེད་པའི།། ཆོས་སྐུ་ལྷུན་གྲུབ་ཐོབ་འགྱུར་ན།། གཞན་ལྟ་སྨོས་ཀྱང་ཅི་ཞིག་དགོས།། བླ་མེད་གསང
342b3 བ་ཐབས་ཀྱི་མཆོག། དམན་དང་དཀའ་ཐུབ་ཀྱིས་གདུངས་པའི།། གང་ཟག་དག་ནི་རྣམ་པར་སྤངས།། སྐལ་ལྡན་ཅན་གྱི་བསྒྲུབ་པར་བྱའོ།། ཕྱོགས་བཅུ་དུས་གསུམ་རྒྱལ་བ་རྣམས།། གདུལ་བྱའི་བསམ་པ་རྫོགས
342b4 མཛད་ནས།། འབར་བའི་ཚོགས་སུ་སྣང་ནས་ནི།། དུར་ཁྲོད་ཚོགས་ལ་རོལ་པར་མཛད།། རང་བཞིན་མཛད་པ་ཐབས་དག་དང་།། མོས་དང་ཐབས་ཀྱི་སྐུ་གསུང་ཐུགས།། རྫས་དང་ཆོ་ག་ཀུན་འདུས་པ།། འདིར་ནི
342b5 རྣམ་པར་སྣང་མཛད་པར།། བྱིན་བརླབས་འཚམས་པའི་ས་ཕྱོགས་སུ།། བར་ཆད་ཞི་ཕྱིར་ཆོ་ག་བྱ།། བཀྲ་ཤིས་སྒྲུབ་པ་མཆོག་དུས་སུ།། མཚན་མ་འབྱུང་བའི་རྟེན་མཆོག་དང་།། བཀྲ་ཤིས་དག་པའི་རྫས་བླངས
342b6 ཏེ།། སྦྱང་ཞིང་བྱིན་གྱིས་བརླབས་པར་བྱ།། འཁོར་བ་ཆགས་པའི་མཎྜལ་ལ།། བདུད་རྩི་ལྔ་ཡང་ལྡན་པར་བྱ།། དུར་ཁྲོད་སྲད་བུ་བྱིན་བརླབས་ནས།། གསལ་ལ་མཁའ་གསང་ཐིག་བཏབ་ནས།། ཕོ་བྲང་རྨད་བྱུང་བྲི
iiif viewer powered by OpenSeadragon
