| e-texts navigator |
| Wylie |
26a1 ལྔ་པོ་གང་ལ་སྲིད།། ཕུར་པ་ལྔ་པོ་གང་ལ་སྲིད།། འགྲོན་བུ་སུམ་བརྒྱ་དྲུག་ཅུ་གང་ལ་སྲིད།། རིགས་བཞི་སྦྲུལ་ཆེན་གང་ལ་སྲིད།། རྟ་མགོ་ལྗང་ཁུ་གང་ལ་སྲིད།། ཅེས་ཞུས་སོ།། ཁྲག་འཐུང་རོལ་པའི
26a2 རྒྱུད་ལས།། རལ་པ་གང་ལ་སྲིད་ཞུས་པའི་ལེའུ་སྟེ་བཞི་པའོ།། །། ཀྱེ།། སེམས་དཔའ་ཆེན་པོ་ཁྱོད་ཉོན་ཅིག། རལ་པ་ནག་པོ་དགུ་བཅུ་དེ།། རུ་ཏྲ་བསྒྲལ་བའི་མགོ་ལས་བྱུང་།། དེ་ཡི་རྒྱུ་མ་དམར་པོ་ལས།། རལ་པ
26a3 དམར་པོ་བཅུ་བཞི་བྱུང་།། དེ་ཡི་དངས་མ་ལྔ་པོ་ལས།། རལ་པ་ཁ་དོག་ལྔ་རུ་བྱས།། དེ་ཡི་མཆོག་ཆེན་རྐང་བཞི་ལས།། ཕུར་པ་ཁ་དོག་ལྔ་རུ་སྲིད།། རུས་དུམ་སུམ་བརྒྱ་དྲུག་ཅུ་ལས།། འགྲོན་བུ་སུམ་བརྒྱ་དྲུག་ཅུ
26a4 སྲིད།། དེ་ཡི་ནང་ཁྲོལ་བཞི་པོ་ལས།། རིགས་བཞི་ཀླུ་རིགས་སྦྲུལ་དུ་བྱུང་།། སྤྱི་གཙུག་རྟ་མགོ་ལྗང་ཁུ་དེ།། པདྨ་ཧེ་རུ་ཀ་ལ་སྲིད།། ཁྲག་འཐུང་རོལ་བའི་རྒྱུད་ལས།། བྱུང་ཁུངས་བཤད་པའི་ལེའུ་སྟེ་ལྔ
26a5 པའོ།། །། ཡང་ཞུས་པ།། ཧཱུཾ། རལ་པ་ནག་པོ་དགུ་བཅུའི་ཡོན་ཏན་གང་།། རལ་པ་ཁ་དོག་ལྔ་ཡི་ཡོན་ཏན་གང་།། ཕུར་པ་རྣམས་ཀྱི་ཡོན་ཏན་གང་།། འགྲོན་བུ་རྣམས་ཀྱི་ཡོན་ཏན་གང་།། རིགས་བཞི་སྦྲུལ་གྱི་ཡོན
26a6 ཏན་གང་།། རྟ་མགོ་ལྗང་ཁུའི་ཡོན་ཏན་གང་།། ཞེས་ཞུས་སོ།། ཁྲག་འཐུང་རོལ་བའི་རྒྱུད་ལས།། རལ་པའི་ཡོན་ཏན་ཞུས་པའི་ལེའུ་སྟེ་དྲུག་པའོ།། །། ཀྱེ་སེམས་དཔའ་ཆེན་པོ་ཉོན་ཅིག། རལ་པ་ནག་པོ་དགུ་བཅུ
iiif viewer powered by OpenSeadragon
