| e-texts navigator |
| Wylie |
232a1 རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ།། ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ།། འདུས་པ་ཆེན་པོའི་འཁོར་རྣམས་ཀྱིས།། ཆོས་ཐམས་ཅད་གསང་བ་ཆེན་པོ་རང་བཞིན་མེད
232a2 པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་དེའི་ངང་དུ་སངས་རྒྱས་པར་མཐོང་ངོ་།། དེ་ནས་ཁྲོ་བོ་ཐམས་ཅད་ཀྱི་ཁྲོ་བོ་རྟ་མགྲིན་ཞེས་བྱ་བ་དེས། རབ་ཏུ་གསང་བའི་དགྱེས་པ་ཆེན་པོའི་གླུ་འདིས་བསྐུལ་ལོ།། ཨེ་མ་ཧོ
232a3 བཅོམ་ལྡན་གསང་བའི་བདག། གཉིས་མེད་ཡུམ་བཅས་བདེ་ཆེན་ལས།། གདུག་པ་དབང་དུ་བསྡུ་བའི་ཕྱིར།། སྟོང་པའི་ངང་ལས་དྲག་པོར་བཞེད།། འཇིགས་རྟེན་ཐམས་ཅད་གདུག་པར་འགྱུར།། སྟོང་པའི་ངང་ལས
232a4 ཙ་སྟེ་བཞུགས།། གང་ཕྱིར་བདག་ཉིད་ཀུན་དབང་སྡུད། ཁྱོད་མཐོང་བས་ནི་འཇིགས་པའི་ཕྱིར།། སྟོང་པའི་ངང་ལ་ཅི་སྟེ་བཞུགས།། ཨ་ལ་ལ་ཧོ་གསང་མཆོག་སྐུར་བཞེངས་ཤིག། ཅེས་གསུངས་མ་ཐག་ཏུ།། ཤིན་ཏུ
232a5 དྲག་པོའི་སྐུའི་རྣམ་པར་གྱུར་ཏེ། འདི་ལྟར་སྐུ་སྤྱན་གཉིས་ཀྱི་ཚོགས་ལས་ལྕག་ཀྱི་སྦྲང་མོ་བྱེ་བ་ཁྲག་ཁྲིག་འབུམ་ཕྲག་བསམ་གྱིས་མི་ཁྱབ་པ་བྱུང་ངོ་།། སྐུ་སྙེན་གཉིས་དང་། སྐྲ་ཤངས་གཉིས་དང་། སྐུ་ལྗགས་གཉིས
232a6 དང་། སྐུ་དཔུང་མགོ་གཉིས་དང་། སྐུ་བརླ་གཉིས་དང་། སྐུ་བྱིན་པ་གཉིས་དང་། ཕྱག་དང་ཞབས་ཀྱི་སོར་མོ་ལས་འོད་ཟེར་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་པ། ཧ་ན་ཧ་ན། པ་ཙ་ཤིག་པ་ཙ་ཤིག། དུ་བུ་དུཾ
iiif viewer powered by OpenSeadragon
