| e-texts navigator |
| Wylie |
230b1 ཆེན་པོའི་འཇིག་རྟེན་གྱི་ཁམས་ཐམས་ཅད་གཡོས། ཀུན་ཏུ་རབ་ཏུ་གཡོས། ལྡེག། རབ་ཏུ་ལྡེག། ཀུན་ཏུ་རབ་ཏུ་ལྡེག། འཁྲུགས།། རབ་ཏུ་འཁྲུགས། ཀུན་ཏུ་རབ་ཏུ་ཁྲུགས། འཇིག་རྟེན་གྱི་ཁམས་འདི་དག་ཏུ་ཡང་།
230b2 རབ་ཏུ་དྲག་པོའི་འོད་དང་། རབ་ཏུ་དྲག་པོའི་འབྲུག་དང་། རབ་ཏུ་དྲག་པོའི་གློག་དང་། རབ་ཏུ་དྲག་པོའི་ཚ་ཚ་དང་། རབ་ཏུ་དྲག་པོའི་འཕྲོ་བ་དང་། རབ་ཏུ་དྲག་པོའི་འབེབས་པ་དང་། མདུང་དང་། རལ་གྲི་དང་།
230b3 སྤྲ་ཤུད་དང་། ལྕགས་མདའ་དང་། སྟེའུ་སོ་དང་། མདའ་བོ་ཆེ་དང་། ལྕགས་མདུང་རིང་པོ་དང་། གང་དག་ཕུར་བུ་དང་། ཟོ་བ་དང་། ཁ་ཊྭཱཾ་དང་།། ཐོད་དབྱུག་ལ་སོགས་པའི་ཆར་འབབས་པར་གྱུར་ཏོ།། དེའི་ཚེ
230b4 འཇིག་རྟེན་གྱི་ཁམས་འདི་ནི་སྤྲུལ་པ་བཅོམ་ལྡན་འདས་དཔལ་རྡོ་རྗེ་ཁྲག་འཐུང་དང་། རིན་ཆེན་ཁྲག་འཐུང་དང་། པདྨ་ཁྲག་འཐུང་ལ་སོགས་པ་འཇིག་རྟེན་ལས་འདས་པ་ཐམས་ཅད་ལ་མཐུ་ཆེ་བ། གཟི་བརྗིད་ཆེ
230b5 བ། ཡོན་ཏན་དང་ཡེ་ཤེས་ལ་སོགས་པ་དཔག་ཅིང་གཞལ་དུ་མེད་པ་བགྲང་བ་ལས་འདས་པ། ཐམས་ཅད་སྐྲག་པར་འགྱུར་པ། རབ་ཏུ་རྒྱལ་བར་འགྱུར་བ། རེངས་པ་དང་། རབ་ཏུ་རེངས་པ་དང་། ལྐུགས་པ་དང་།
230b6 རབ་ཏུ་ལྐུགས་པ་དང་། འཇིགས་པ་དང་། སྔངས་པར་གྱུར་ནས་མགྲིན་གཅིག་ཏུ། བཅོམ་ལྡན་འདས་པདྨ་གར་གྱི་དབང་ཕྱུག་ལ་བསྟོད་པའི་རྒྱལ་པོ་འདི་སྐད་ཅེས་བསྟོད་དོ།། ཨེ་མ་མ་རུངས་འཇིགས་པ
iiif viewer powered by OpenSeadragon
