| e-texts navigator |
| Wylie |
230a1 འཇིག་རྟེན་ན་མཐུ་ཆེ་བ། དབང་ཆེ་བ་དང་། གཟི་བརྗིད་ཆེ་བ་དང་། འཁོར་ཕལ་ཆེ་བ་བདུད་ཀྱི་དཔུང་རབ་ཏུ་འཇོམས་པར་བྱེད་པ། དྲེགས་པ་ཆེན་པོའི་ཡང་ཆེན་པོ་རྣམས་ཀྱིས་གླགས་རྙེད་པར
230a2 དཀའ་བ། ཐུབ་པར་དཀའ་བ། གྲགས་པ་ཐོབ་པར་དཀའ་བ། དབང་དུ་སྒྱུར་བ་དག་མཆིས་ཏེ། འདི་དག་ཐབས་གང་གིས་འདུལ་བ་དང་ཐབས་གང་གིས་ལེགས་པར་འཇོམས་པ་དང་། ཐབས་གང་གིས་གཡུལ
230a3 ལས་རྒྱལ་བར་བྱ་བ་དང་། ཐབས་གང་གིས་གྲགས་པ་ཐོབ་པར་བྱ་བ་དང་། ཐབས་གང་གིས་དབང་དུ་འགྱུར་བར་བྱ་བ་དང་། བདག་ཅག་རྣམས་ལ་བསྟན་དུ་གསོལ། བདེ་བར་གཤེགས་པས་བསྟན་དུ་གསོལ། དེ
230a4 སྐད་ཅེས་གསོལ་བ་དང་། དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་པདྨ་གར་གྱི་དབང་ཕྱུག་གིས། འཇིག་རྟེན་གྱི་གདུག་པ་ཅན་མཐུ་བོ་ཆེ་ཐམས་ཅད་ཀྱིས་ཐུལ་བར་མི་འགྱུར་བ། ཤིན་ཏུ་ཚར་བཅད་པར་བྱ་བའི
230a5 ཕྱིར། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དྲག་པོ་གསང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱིས། ལས་ཀྱི་ཁྲོ་བོ་བདུད་ཐམས་ཅད་ཟིལ
230a6 གྱིས་གནོན་པ་ཞེས་བྱ་བ་འདི་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ལས་འདི་ཕྱུང་ངོ་། ཨོཾ་བཛྲ་ཀྲོ་ཏ་ཀརྨ་ཡཀྵ་ཏ་ཀ་ཧ་ཡ་གྲི་བ་ཧུ་ལུ་ཧུ་ལུ་ཧུ་ལུ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཕཊ། འདི་ཕྱུང་མ་ཐག་ཏུ་སྟོང་གསུམ་གྱི་སྟོང
iiif viewer powered by OpenSeadragon
