| e-texts navigator |
| Wylie |
229b1 འཁོར་ནི་འདི་ལྟ་སྟེ། མེ་དྲག་པོ་ཐོག་ཆེན་སྒྲ་ཆེན་ཞེས་བྱ་བ་དང་། རླུང་དྲག་པོ་སྒྲ་གཅན་ཞེས་བྱ་བ་དང་། སྤྲུལ་པའི་དམུས་ལོང་འཁོར་བ་ཅན་དང་། ལས་ཀྱི་དམུས་ལོང་འཁོར་བ་ཅན་དང་། ཤན་པའི་དམུས་ལོང
229b2 འཁོར་བ་ཅན་དང་། གཤེད་ཀྱི་དམུས་ལོང་འཁོར་བ་ཅན་དང་། འདི་དག་ཀྱང་སྐུ་ལས་སྤྲུལ་པ་དང་།། གསུང་དང་། ཐུགས་དང་། ལས་དང་། ཡོན་ཏན་དང་། གསང་བ་ལས་སྤྲུལ་པའི་ཁམས་རྒྱའི་ཚོགས་དང་ཐབས
229b3 ཅིག་ཏུ་བཞུགས་སོ།། གཞན་ཡང་ལོང་བ་རྒྱབ་སྦྲེལ་དང་། ལྕགས་ཀྱི་ཁྱི་དང་། སྦྲང་མོ་རོ་ཤལ་དང་། བདུད་ཀྱི་བུ་མོ་དང་། ལྷ་ཐམས་ཅད་དང་། ཀླུ་ཐམས་ཅད་དང་།། གནོད་སྦྱིན་ཐམས་ཅད་དང་། སྲིན་པོ་ཐམས
229b4 ཅད་དང་།། དྲག་མོ་དང་། སྐེམ་བྱེད་ལ་སོགས་པ་ཐམས་ཅད་ཀྱིས་བསྐོར་ནས་བཞུགས་སོ།། དེའི་ཚེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་བདག་པོ་དཔལ་པདྨ
229b5 གར་གྱི་དབང་ཕྱུག་བདེ་བ་ཆེན་པོ་ལ། འདུས་པའི་འཁོར་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གངྒཱ་ཀླུང་གི་བྱེ་མ་སྙེད་པོ
229b6 འདི་ན། ཤིན་ཏུ་གདུག་པ། ཤིན་ཏུ་གཏུམ་པ། སྒྲ་ཆེན་པོ་འབྱིན་པ་དང་། སེམས་ཅན་ཐམས་ཅད་ཀྱི་མདངས་འཕྲོག་པ་དང་། འཚེ་བར་བགྱིད་པ་དང་། འགུམ་པར་བགྱིད་པ། སྲོག་དང་འབྲལ་བར་བགྱིད་པ།
iiif viewer powered by OpenSeadragon
