| e-texts navigator |
| Wylie |
229a1 འདི་ལྟ་སྟེ། དེ་བཞིན་གཤེགས་པ་གསང་བ་གར་གྱི་དབང་ཕྱུག་དང་། རྡོ་རྗེ་གསང་བ་གར་གྱི་དབང་ཕྱུག་དང་། རིན་ཆེན་གསང་བ་གར་གྱི་དབང་ཕྱུག་དང་། པདྨ་གསང་བ་གར་གྱི་དབང་ཕྱུག་དང་།
229a2 ཀརྨ་གསང་བ་གར་གྱི་དབང་ཕྱུག་དང་། འདི་དག་ཀྱང་སོ་སོའི་བཙུན་མོ་དང་བཅས། མངག་པ་དང་བཅས། ཕོ་ཉ་དང་བཅས། གཡོག་དང་བཅས། འཁོར་དང་བཅས་ཏེ། དེ་བཞིན་གཤེགས་པ་གསང་བ་ཆེན་པོའི
229a3 མདུན་དུ་བལྟས་ཏེ། ཞབས་ཀྱི་པདྨ་ལ་བརྟེན་པའི་ཚུལ་དུ་བཞུགས་སོ།། དེ་དག་ལས་ཁྲོ་བོའི་ཚོགས་དང་བཅས་པ་ནི། འདི་ལྟ་སྟེ། ཧཱུཾ་མཛད་ཆེན་པོ་ཞེས་བྱ་བའི་ཁྲོ་བོ་ཆེན་པོའི་ཡང་ཆེན་པོ་དང་། རྡོ་རྗེ་དབྱིངས་ཞེས
229a4 བྱ་བའི་དཀྱིལ་འཁོར་ཆེན་པོའི་ཡང་ཆེན་པོ་དང་། ཁམས་གསུམ་རྣམ་རྒྱལ་ཞེས་བྱ་བའི་ཡང་སྤྲུལ་པ་ཆེན་པོའི་ཡང་ཆེན་པོ་དང་། རྡོ་རྗེ་གསང་བ་ཞེས་བྱ་བའི་ཡང་སྤྲུལ་པ་ཆེན་པོའི་ཡང་ཆེན་པོ་དང་། རྡོ་རྗེ་བདུད་རྩི
229a5 ཞེས་བྱ་བའི་ལས་ཆེན་པོའི་ཡང་ཆེན་པོ་དང་། དྲག་པོ་ཐོག་ཆེན་པོ་ཞེས་བྱ་བའི་མངག་པ་ཆེན་པོའི་ཡང་ཆེན་པོ་དང་། དྲག་མོ་བདུད་རྩི་མ་ཞེས་བྱ་བའི་ཕོ་ཉ་ཆེན་མོ་ལ་སོགས་པ་འདི་དག་ཀྱང་། བྲན་དང་བཀའ་ཉན
229a6 དང་བཅས། གཡོག་དང་བཅས། འཁོར་དང་བཅས་པ་ཐམས་ཅད། བཅོམ་ལྡན་འདས་གསང་བ་ཆེན་པོའི་དབུ་དང་། གཤོག་པ་དང་། ཕྱག་ལ་སོགས་པ་ལེགས་པར་བཞུགས་སོ།། གཞན་ཡང་བཀའ་ཉན་ལས་ཀྱི
iiif viewer powered by OpenSeadragon
