| e-texts navigator |
| Wylie |
228b1 ཅན་དར་རྒྱས་འགྱུར།། ཞེས་གསུངས་ནས།། སྐུ་འོད་ལ་ཐིམ་མོ།། ཐུགས་སྤྲོས་བྲལ་དུ་ལྷང་ངེ་འདུས་སོ།། འཁོར་ཐམས་ཅད་རྗེས་སུ་ཡི་རངས་ཏེ། ཀ་དག་ཏུ་མ་ལ་ཐིམ་མོ།། ཐུགས་རྗེ་ཆེན་པོ་ངན་སོང་ཀུན་སྐྱོབ
228b2 རྒྱུད་ཀྱི་རྒྱལ་པོ་རིག་པ་གཅེར་སྟོན་ལས། རྒུད་ཀྱི་ཆེ་བ་དང་། མཚན་དང་། གཏད་རྒྱ་བསྟན་པའི་ལེའུ་སྟེ་ལྔའོ།། །། ཐེག་པའི་སྤྱི་ཕུད་བླ་ན་མེད་པ་མཁའ་འགྲོའི་སྲོག་རྒྱུད་དམ་པ་རྫོགས་སོ།། །། ཨོ་ཌྱན
228b3 གྱི་སློབ་དཔོན་པད་མ་འབྱུང་གནས་ཀྱི་ཐུགས་དམ་གའུ་མའོ།། སྠི། གཏད་རྒྱ། སྦས་རྒྱ། ཟབ་རྒྱ། གཏད་རྒྱ། བཀའ་རྒྱའོ།། ཐུབ་པར་སྲུངས་ཤིག། མེ་སྦལ་ཕྱག་མངས་དང་རྡོ་རྗེ་ལེགས་པ་གཉིས་ཀྱི་བཀའི་བྱར་གྱིས
228b4 ཤིག།། བཅོམ་ལྡན་འདས་དཔལ་བདེ་བ་ཆེན་པོ་གར་གྱི་དབང་ཕྱུག་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ
228b5 དང་། གསུང་དང་། ཐུགས་ཀྱི་གསང་བ། དེ་བཞིན་གཤེགས་པ་ཐམས་ཅད་ཀྱི་བདག་པོ། ཡོན་ཏན་རིན་པོ་ཆེ་རྨད་དུ་བྱུང་བ་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་གསང
228b6 བ་ཆེན་པོ་མཆོག་གིས་ལེགས་པར་སྤྲས་པའི་དུར་ཁྲོད་ཆེན་པོའི་ཡང་ཆེན་པོ། ཤིན་ཏུ་རྨད་དུ་བྱུང་བའི་གཞལ་ཡས་ཁང་ཆེན་པོ་ན་བཞུགས་སོ།། དེ་ཚེ་འཁོར་གྱི་དབང་ཕྱུག་ཆེན་པོ་བཙུན་མོའི་འཁོར་དང་བཅས་པ་ནི
iiif viewer powered by OpenSeadragon
