| e-texts navigator |
| Wylie |
227b1 རིག་དབང་ཐོབ་པས།། འཁྲུལ་པའི་རྟོགས་པ་རང་འགགས་སོ།། སངས་རྒྱས་ཐོབ་ཏུ་རེ་བ་མེད།། འཁོར་བར་འཁྱམས་ཀྱི་དོགས་པ་མེད།། ཐུགས་རྗེ་ཆེན་པོ་དེ་ཀ་ཡིན།། ཅེས་གསུངས་སོ།། རྒྱུད་ཀྱི་རྒྱལ་པོ་རིག་པ
227b2 གཅེར་སྟོན་ལས། དབང་པོ་ཡང་རབ་ལྷུན་གྲུབ་ཀྱི་སྦུགས་སུ་སངས་རྒྱས་ཤིང་ཐུགས་རྗེ་ཆེན་པོ་དང་དབྱེར་མེད་དུ་བསྒྲུབ་པའི་ཐབས་ཀྱི་ལེའུ་སྟེ་བཞི་པའོ།། །། ཨོཾ་མ་ཎི་པདྨེ་ཧཱུཾ་ཧྲི།། ཡང་ཞུས་པ། ཨེ་མ་ངོ་མཚར
227b3 རྨད་ཀྱི་ཆོས།། རྒྱུད་འདིའི་ཆེ་བ་གང་ཡིན་པ།། རྒྱུད་འདིའི་བསྟན་པ་གང་ལ་གཏད།། ཆོས་དབྱིངས་ཀློང་ལ་སྒྲ་སྒྲོགས་ཤིག། ཅེས་པ་དང་།། སྟོན་པས་བཀའ་སྩལ་པ།། ཉོན་ཅིག་ཐུགས་རྗེའི་རིག་པ་མཆོག། རྒྱུད་འདི
227b4 བདེ་གཤེགས་ཀུན་གྱི་སྲོག། རྒྱུད་འདི་རྒྱལ་བ་ཀུན་གྱི་སྲིང་།། རྒྱུད་འདི་ཐུགས་རྗེ་ཆེན་པོ་དངོས།། རྒྱུད་འདི་རྒྱལ་བ་ཀུན་གྱི་སྲས།། རྒྱུད་འདི་བསྟན་པ་ཀུན་གྱི་བུ།། ཐེག་པ་ཀུན་གྱི་རྩེ་མོ་ཡིན།། འདི་ཉིད་རིན་ཆེན་ལྔ
227b5 ཡིས་བྲིས།། ག་འུར་བཅུག་ལ་མགུལ་དུ་འཆང་།། མོ་ཡི་གེ་བདུན་ལ་བྲིས།། མཚལ་དང་སྲིན་དྷུ་བྱང་ཆུབ་སེམས།། ཆོས་སྨན་བྱུག་སྟེ་སྙིང་ཁར་རྩ།། གང་ཞིག་སྐྱེ་འགྲོ་རིགས་དྲུག་གིས།། མཐོང་ངམ་ཟོས་སམ་དྲན
227b6 ནམ་རེག། དྲི་ཚོར་ཁ་རླངས་རླུང་ཕོག་པ།། བསྐལ་པ་སྟོང་གི་སྡིག་པ་འདག། ཚེ་འདིར་ཡོན་ཏན་ཐམས་ཅད་འགྲུབ།། འཆི་དུས་འཇའ་དང་རིང་བསྲེལ་འབྱུང་།། སྐུ་གསུང་ཐུགས་ཀྱི་ཡོན་ཏན་འཆར།། ཕྱི་མར་སངས
iiif viewer powered by OpenSeadragon
