| e-texts navigator |
| Wylie |
227a1 ནི།། ཚོགས་སུ་ཟད་ཀར་ཟུར་ཁྲིད་དུ།། ངག་ནི་རླུང་དལ་མ་ཡེངས་སྒོམ།། རིག་པ་འབྱོངས་པའི་དུས་ཞེས་པ།། ཐིག་ལེ་གའུ་ཁ་སྦྱོར་ནང་། ཞི་ཁྲོའི་ལྷ་ཚོགས་དཀྱིལ་འཁོར་རྣམས།། ཡབ་ཡུམ་ཞལ
227a2 སྦྱོར་རྫོགས་པར་འཆར།། ཐིག་ཕྲན་འཇའ་རིས་སྦ་ཕུག་ནང་།། སྦྲུལ་སྐུའི་ཆ་ལུགས་སྣ་ཚོགས་མཐོང་།། འདི་དུས་རང་ལུས་མི་མངོན་ཏེ།། འཇའ་རིས་འོད་ཀྱི་སྐུ་རུ་སྣང་།། ཉིན་དང་མཚན་གྱི་སྣང་བ་ལ།། གང་ལ
227a3 རིག་པ་བཅུག་པ་ཡིས།། སྡིག་ཅན་ཡིན་ཡང་གྲོལ་བར་འགྱུར།། མ་ལ་ཐིམ་པའི་དུས་ཉིད་དུ།། དུར་ཁྲོད་ཚོང་དུས་ཐ་མལ་དུ།། ཕྱོགས་རྒྱུད་ངོ་ཚའི་སྤྱོད་པ་བྱ།། ཤེས་བྱའི་དྲི་དག་འཇའ་ལུས་སུ།། ཐུགས་རྗེ་ཆེ་དང
227a4 དབྱེ་བ་མེད།། འདི་དུས་སྔོན་ཤེས་ཐམས་ཅད་འཆར།། སྐུ་གསུམ་རང་གསལ་ས་ཟིན་པས།། རྡོ་རྗེ་གཡུང་དྲུང་ཆུ་རྒྱུན་དང་།། ཉི་མའི་སྙིང་པོ་རིན་ཆེན་ལྟར།། འཇའ་འོད་རྡོ་རྗེའི་རང་ཚུགས་ཟིན།། གདན་ས་གཅིག
227a5 ལས་གཡོ་བ་མེད།། ཞིང་ཁམས་ཐམས་ཅད་གཅིག་ཏུ་འདྲེས།། སྣང་བ་མ་འགགས་ངང་དུ་གསལ།། སངས་རྒྱས་སྐུ་ལ་ཡུལ་མེད་དེ།། ཡེ་ཤེས་སྐུ་ལ་ཆོས་རྣམས་ཟད།། འབྲས་བུའི་སྐུ་ལ་བདག་མེད་ཅིང་།། དགོངས
227a6 པ་རྣམས་ལ་ཐུན་མེད་དོ།། རིག་པ་མ་བུ་ཐིམ་པའི་དུས།། ཕྱི་ཡི་སྣང་བ་དབང་ཐོབ་པས།། སྣང་བ་ཞིང་ཁམས་ཆེན་པོར་གྲོལ།། ནང་གི་ཕུང་པོ་དབང་ཐོབ་པས། རྒྱུ་ལས་འོད་ལམ་ཉིད་དུ་གྲོལ། གསང་བ་དབྱིངས
iiif viewer powered by OpenSeadragon
