| e-texts navigator |
| Wylie |
226b1 དེ།། སྟོང་གསལ་ཤར་གྲོལ་ལྷང་ངེ་བ།། སྙིང་གི་དཀྱིལ་དུ་གནས་པ་སྟེ།། སེམས་དཔའ་སེམས་མ་སྒོ་མར་བཅས།། ལོངས་སྐུ་ཐུགས་རྗེ་ཆེན་པོ་དེ།། ཞི་ཁྲོ་རིགས་ལྔ་དབང་ཕྱུག་བཅས།། ཀླད་པའི་དཀྱིལ་ན་གནས
226b2 པ་ཡིན།། སྦྲུལ་སྐུ་ཐུགས་རྗེ་ཆེན་པོ་དེ།། མཁའ་འགྲོ་ཐུབ་དྲུག་སྒོ་མར་བཅས།། རྩ་ཁམས་པས་སྤུ་ཁྱབ་པར་གནས།། རྟ་གསུམ་དག་གིས་ཡིད་ཆེས་འགྱུར།། དེ་དོན་སྔོན་དུ་ལྷ་འདོད་ན།། ཚོགས་གཏོར་བརྒྱ་རྩས
226b3 མཁའ་འགྲོ་མཆོད།། ལས་སྒྲིབ་ཉམས་ཆག་བཤགས་པ་བྱ།། དབེན་པའི་རི་རྩེར་བདེ་བའི་སྟན།། དང་པོ་ཆོས་སྐུའི་བཞུགས་སྟངས་ནི།། རྣམ་སྣང་ཆོས་བདུན་སྒོམ་འཁར་བཅུག། མིག་ནི་གྱེན་ལ་བཟློག་པར
226b4 བྱ།། རིག་པ་མཐོང་བའི་དུས་ཞེས་པ།། དཀར་དམར་སེར་ལྗང་སྣམ་བུ་ལ། རྡོ་རྗེ་རིན་ཆེན་པདྨ་དང་། ཁྲི་དང་རྒྱབ་ཡོལ་དབུ་སོགས་མཐོང་།། འདི་ནས་འཁོར་བར་ཟློག་མི་སྲིད།། གཉིས་པ་ལོངས་སྐུ་བཞུགས
226b5 སྟངས་ནི།། ལྕར་ཉལ་རྐང་པ་ཐར་གྱི་བརྐྱང་།། ལག་གཉིས་མི་བསྐྱོད་ཉི་ཟེར་དྲང་།། ཟིམ་བུས་དབྱིངས་ལ་བལྟ་བར་བྱ།། ཕྱིར་མི་ཟློག་པའི་ཚང་ཟིན་ནོ།། རིག་པ་རྒྱས་པའི་དུས་ཞེས་པ།། གྱེན་འདྲེང་རྩིབས་ཤར་ཟ
226b6 འོག་རིས།། སྐུ་རྫོགས་གསུམ་ལྡན་ལྔ་ལྡན་དང་།། སེམས་དཔའ་སེམས་མ་སྒོ་བ་མཐོང་།། དུག་ལྔ་ཚོགས་བརྒྱད་བདུད་བཞི་དགྲོལ།། འདི་དུས་མངོན་ཤེས་རྫུ་འཕྲུལ་འཆར།། གསུམ་པ་སྦྲུལ་སྐུའི་བཞུགས་སྟངས
iiif viewer powered by OpenSeadragon
