| e-texts navigator |
| Wylie |
222b1 པའི་རྟགས།། དེ་ནས་འཁོར་བའི་སྡུག་བསྔལ་བས།། ལྷ་ལ་འཕོ་ལྷུང་ལྷ་མིན་མཚོན།། མི་ལ་སྐྱེ་རྒས་བརྒྱད་འགྱུར་དང་།། བྱོལ་སོང་བཀོལ་སྤྱོད་ཡི་དགས་བཀྲེས།། དམྱལ་བ་ཚ་གྲང་ཐར་མེད་ལ།། ཡང་ཡང
222b2 བསམས་པས་སྐྱོ་བ་སྐྱེ།། བློ་སྣ་དྲིལ་གྱིས་བརྡུངས་པ་ན།། རྣལ་འབྱོར་ཆོས་ཕྱེད་ཚར་བ་ཡིན།། དེ་ནས་སྡུག་བསྔལ་བསྒྲུབ་པ་དང་།། ཐུགས་རྗེའི་ཞིང་དུ་འགྲོ་བའི་ཕྱིར།། ཕྱི་ནང་གསང་བའི་སྐྱབས་འགྲོ་བྱ།། ཨོཾ་མ་ཎི
222b3 པདྨེ་ཧཱུཾ་ཧྲི།། རང་བྱུང་རིགས་པ་ཐུགས་རྗེ་ཆེ།། འགྱུ་གྲོལ་ཤེས་པ་ངོ་བོས་སྟོང་།། སྐུ་གསུམ་བརྒྱུད་པའི་བླ་མ་ལ།། བདག་འཛིན་བྲལ་བར་སྐྱབས་སུ་མཆིའོ།། དེ་ནས་ཐེག་ཆེན་དོན་ཞུགས་ཕྱིར།། སྨོན་འཇུག་གཉིས
222b4 ཀྱི་སེམས་བསྐྱེད་ལ།། ཀུན་ལ་ཕན་སེམས་དག་སྣང་སྦྱང་།། ཕ་མ་ལྟ་བུར་བྱམས་སེམས་དང་།། སྡུག་བསྔལ་མི་བཟོད་སྙིང་རྗེ་དང་།། བྱང་ཆུབ་འདོད་པའི་དགའ་བ་དང་།། ཉེ་རིང་མེད་པའི་བཏང་སྙོམས
222b5 སྒོམ།། འདི་འབྱོངས་བདག་གཞན་དོན་གཉིས་འགྲུབ།། ཨོཾ་མ་ཎི་པདྨེ་ཧཱུཾ་ཧྲི། ཐུགས་རྗེ་ཆེན་པོའི་ལྷ་ཚོགས་དགོངས།། དེ་ནས་འཁོར་བ་མ་སྟོངས་པར།། རིགས་དྲུག་སྡུག་བསྔལ་སྐྱོབ་བྱའི་ཕྱིར།། བླ་མེད་སྨོན་པར
222b6 སེམས་བསྐྱེད་དོ།། ཨོཾ་མ་ཎི་པདྨེ་ཧཱུཾ་ཧྲཱི།། སྐད་ཅིག་དང་པོ་ཆོས་སྐུ་ཡི།། བཅོས་སླད་བྲལ་བའི་ངང་དུ་ནི།། སྟོང་ལ་འགག་མེད་གསལ་བཏབ་ནས།། འཁོར་དོང་སྤྲུག་པར་སེམས་བསྐྱེད་དོ།། དེ་ནས་བྱིན་བརླབས་སྒོ
iiif viewer powered by OpenSeadragon
