| e-texts navigator |
| Wylie |
222a1 དབུལ།། ལྷུན་བསྒྲུབ་ཟོད་རྒལ་དབང་ཐོབ་ནས།། ཐུགས་རྗེ་ཆེ་དང་དབྱེ་བ་མེད།། རིག་པ་རང་ཚུག་ཐུབ་པ་དེ།། སངས་རྒྱས་སྟོང་དང་སྐལ་པ་མཉམ།། ཐུགས་རྗེ་ཆེན་པོ་ཡང་གསང་འདི།། སྒོར
222a2 ཞུགས་སྐྱེས་བུ་སྐལ་བཟང་དེས།། དམ་ཚིག་ས་ཡ་འབུམ་སྡེ་བསྲུང་།། བསྡུས་པ་ཉི་ཤུ་རྩ་བརྒྱད་ཡིན།། དེ་བསྡུས་གསུམ་པོ་བསྲུང་བར་བྱ།། བསྲུང་དུ་མེད་པའི་དམ་ཚིག་དང་། ཡེ་བསྲུངས་ཆེན་པོའི་དམ་ཚིག་དང་།།
222a3 བསྲུང་མཚམས་བྲལ་བར་སུས་རྟོགས་པ། དེ་ཚེ་ཚད་དུ་ཕྱིན་པའོ།། ཞེས་གསུངས་སོ།། སྨིན་པར་བྱེད་པ་དབང་གི་ལེའུ་སྟེ་གཉིས་པའོ།། །། ཨོཾ་མ་ཎི་པདྨེ་ཧཱུཾ་ཧྲཱི། ཡང་ཞུས་པ། ཨེ་མ་ངོ་མཚར་རྨད་ཀྱི་ཆོས།། རིག
222a4 པའི་དོན་དེ་འགྲོལ་དུ་གསོལ།། ཅེས་པ་དང་། སྟོན་པ་སྣང་བ་མཐའ་ཡས་དེས་བཀའ་སྩལ་པ། ཉོན་ཅིག་ཐུགས་རྗེའི་རིག་པ་མཆོག། འགྲོལ་བའི་གདམས་པ་གསུམ་ཡིན་ཏེ། རེ་རེ་ལ་ཡང་གསུམ་གསུམ
222a5 བསྟན།། ཐོག་མར་ཡིད་མཐུན་གནས་དག་ཏུ།། མཚན་ཉིད་ལྡན་པའི་བླ་མ་ཡིས།། སྣོད་དང་ལྡན་པའི་སློབ་མ་ནི།། བདུན་ལམ་ཉི་ཤུ་རྩ་གཅིག་ལ།། སྨིན་ནས་ཕྱི་ནང་གྲུབ་ཟག་གཅད།། དགོས་པ་ཡོ་བྱད་འཛོམ་པ
222a6 དང་།། མཚམས་ཁང་གྲུ་བཞི་བཀོད་ལེགས་ནང་། འཇིག་རྟེན་བྱ་བ་རབ་སྤངས་ལ།། མི་རྟག་པ་ལ་བློ་སྦྱངས་བྱ།། དེ་ཡིས་བློ་དམན་ངག་ལོག་དེ།། དགོས་མེད་རྒྱུད་ལ་སྐྱེ་བར་འགྱུར།། ཐུགས་རྗེ་བྱིན་རླབས་ཞུགས
iiif viewer powered by OpenSeadragon
