| e-texts navigator |
| Wylie |
221a1 གིས། ཁམས་གསུམ་འཁོར་ཏེ་རྒྱུད་དྲུག་འཁྱམས།། དེ་གྲོལ་ཐུགས་ལྟ་འདོད་ན།། མཚན་ཉིད་བཅུ་ལྡན་བླ་མ་ཡིས།། བཅུ་བཞི་ལྡན་པའི་སློབ་མ་ལ།། གང་ཟག་རབ་འབྲིང་གང་ཡིན་ཀྱང་།། དང་པོར
221a2 ཡིད་ཆེས་ལོ་རྒྱུས་བཤད།། ཐེ་ཚོམ་ཆོད་དུས་ཡིད་ཆེས་པས།། གདམས་པ་ཁུངས་བཙུན་བྱིན་རླབས་འཇུག། དེ་ནས་དབེན་པའི་ས་ཕྱོགས་སུ།། སློབ་མ་ཐོག་མར་སྨིན་བྱེད་པ།། དེ་ཡི་དབང་ལ་རྣམ་བཞི་སྟེ།། སྤྲོས
221a3 བཅས་དང་། སྤྲོས་མེད་རབ་ཏུ་སྤྲོས་མེད་ཡིན།། དབང་པོ་ཡང་རབ་རྩེ་མོ་ལ།། ཤིན་ཏུ་སྤྲོས་མེད་ལྡན་པར་བྱ།། དེ་ཡང་ཐོག་མར་སྦྱོར་བ་བརྩམ།། སྔོན་འགྲོ་དངོས་གཞི་རྗེས་དག་དང་།། སྨིན་གྲོལ་གཉིས་པོས
221a4 བཅིངས་ཏེ་ལྡན།། ཡིད་མཐུན་གནས་སུ་དལ་བྲིས་ལ།། ཕྱི་ནང་དབང་ཆས་ཚང་བ་བསག་ཁྲུས་བྱས་བགེགས་བསྐྲད་མེ་ཡིས་སྲེག། ནང་གཏང་གྲལ་བྱ་དྲང་དོན་བཤད།། བགེགས་བསྐྲད་འཕྲིན་ལས་གཞུང་སྲོང
221a5 བྱ།། ཞི་ཁྲོའི་ལྷ་ཚོགས་ཚོགས་ཀྱིས་མཆོད།། དངོས་གཞི་སློབ་མས་མཎྜལ་དབུལ།། ཚིག་རྗོད་བླ་མས་གནང་བ་བྱིན།། མནའ་བསྐྱལ་སྐྱབས་འགྲོ་སེམས་བསྐྱེད་བྱ།། སྡོམ་པ་འབོག་ཅིང་དབང་རྟེན་དབུལ།། བོད
221a6 དེང་གསུང་གི་བྱིན་དབབ་ཅིང་།། མནའ་ཆུ་བླུད་ལ་ཁས་བླངས་ཏེ།། ཞི་ཁྲོ་སྐུ་གསུམ་ལྷ་ཚོགས་ཀྱི།། ལྷ་དེའི་དབང་བཞི་སྨིན་པར་བྱ།། ཡང་ན་བསྡུས་ཏེ་བསྐུར་འདོད་ན།། སྔོན་འགྲོའི་རིམ་པ་རྫོགས་པའི་ཚེ།། སྐུ
iiif viewer powered by OpenSeadragon
