| e-texts navigator |
| Wylie |
220b1 རྣམས་ཀྱི་ནང་ནས་བཞེངས་ཏེ། ཕྱོས་བཅུར་འོད་ཟེར་བཀྱེ་ནས་ཚིག་འདིས་བསྐུལ་ཏོ།། ཨོཾ་མ་ཎི་པདྨེ་ཧཱུཾ། ཞེས་པའི་སྒྲ་སྒྲོགས་པ་ཙམ་གྱིས།། གཙོ་འཁོར་རྣམས་ལ་འོད་ཟེར་དཀར་པོ་སྤྲོས།། བདེ་གཤེགས
220b2 མཆོད།། སེམས་ཅན་ལ་ཕོག། སྡིག་སྒྲིབ་སྦྱངས། ཐུགས་རྗེ་ཆེན་པོའི་སྐུར་སྣང་བར་བྱས་སོ།། ཡང་ཨོཾ་ཨཱ་ཧཱུཾ་ཧྲཱི། ཨོཾ་མ་ཎི་པདྨེ་ཧཱུཾ། ཞེས་པའི་སྒྲ་སྒྲོགས་འོད་ཟེར་དམར་པོ་སྤྲོས། བདེ་གཤེགས་མཆོད། སེམས་ཅན་ལ
220b3 ཕོག། སྡིག་སྒྲིབ་བྱངས། ཐུགས་རྗེ་ཆེན་པོའི་གསུང་དུ་སྣང་བར་བྱས་སོ།། ཡང་ཨོཾ་མ་ཎི་པདྨེ་ཧཱུཾ། ཞེས་པའི་སྒྲ་སྒྲོགས།། འོད་ཟེར་མཐིང་ཁ་སྤྲོས། བདེ་གཤེགས་མཆོད། སེམས་ཅན་ལ་ཕོག། སྡིག་སྒྲིབ་སྦྱངས། ཡིད
220b4 རྡོག་ཐམས་ཅད་ཐུགས་རྗེ་ཆེན་པོ་དང་གཉིས་སུ་མེད་པར་གྱུར་ཏོ།། རྣམ་སྣང་སྤྲོས་བྲལ་སྐུ་གསུམ་གྱི་ལྟ་སྟངས་ལ་བཞུགས་སོ།། རྒྱུད་ཀྱི་རྒྱལ་པོ་རིག་པ་གཅེར་སྟོན་ལས། གླེང་གཞི་ལེའུ་སྟེ་དང་པོའོ།། །། དེའི
220b5 ཚེ་ཐུགས་རྗེ་ཆེན་པོ་ངན་སོང་ཀུན་སྐྱོབ་ཆེན་པོས་འདི་སྐད་ཅེས་བསྐུལ་ཏོ།། ཨེ་མ་ངོ་མཚར་རྨད་ཀྱི་ཆོས།། རིག་པའི་དོན་དེ་བདག་ལ་སྩོལ།། ཅེས་པ་དང་།། སྟོན་པ་ཏིང་ངེ་འཛིན་ལས་བཞེངས་ཏེ་བཀའ་སྩལ་པ།
220b6 ཨེ་མ་ཧོ་རང་རིག་བདེ་ཆེན་མཆོག། ཐོག་མར་རང་རིག་སྤྲོས་བྲལ་འདི།། བདུན་ལ་ཁྱབ་སྟེ་ངོ་བོས་སྟོང་།། ངང་གིས་གསལ་བས་འཛིན་པ་མེད།། འགག་མེད་ཤར་བས་ཀུན་གྱི་གཞི།། རྒྱུ་ཉིད་རྐྱེན་བཞི་དེར་རྟོག
iiif viewer powered by OpenSeadragon
