| e-texts navigator |
| Wylie |
347a1 མེ་སྦར་ཏེ།། མེ་ནང་རྟ་མགྲིན་བསྐྱེད་བྱས་ལ།། སྦར་དཀར་གཏོར་མ་ཤ་ཁྲག་མཆོད་པ་འབུལ།། ཛ་ལ་རཾ་ཛ་ལ་རཾ།། མ་ར་ཡ། མ་ར་ཡ་ཧཱུཾ་ཕཊ།། རྩ་སྔགས་སྦྲེལ་ལ་སྦྱིན་སྲེག་བྱ།། ཐལ་བ་བསྐུལ་ལ
347a2 མནན་གཏོར་བྱ།། གཏོར་སྲང་རླུང་གི་ལས་སྦྱོར་ནི།། སྦྱིན་སྲེག་ཐལ་བ་ཉ་བོ་བྱ།། སྙིང་ཁར་མིང་རུས་བཅུ་པ་ལ།། རླུང་ཚུབས་མ་ཡིས་ཐུན་དུ་བྲབ།། བྲག་སྒྲ་རླུང་སྒྲ་ཅན་དུ་མནན།། ཡང་ན་བཏགས་ལ་རླུང
347a3 ལ་ཕྱར།། ཆེ་གེ་མོ་ཀ་མ་རག་ཤ་ཡ་ར་ན།། ཨུ་ཙ་ཏ་ཡ་ཕཊ་ཕཊ། ཙ་སྔགས་སྦྲེལ་ལ་བཟླས་པ་བྱ།། དགྲ་བགེགས་གང་བྱས་བསྐྲད་པར་འགྱུར།། མནན་པ་ས་ཡི་ལས་སྦྱོར་ནི། ཁོ་ཡི་ཟག་པའི་རྫས་བཙལ་ལ།། ས
347a4 ནག་བསྲེས་ལ་ཉ་བོ་བྱ།། མིང་རུས་བྲིས་ལ་ལིང་ཁར་གཞུག། སྙིང་ཁར་ཕུར་བུ་བཏབ་ནས་ནི།། ཐོད་པ་མཚན་ངན་ནང་དུ་གཞུག། རེ་བས་དྲིལ་ལ་མཁར་ནག་དཀྲི།། ལྷ་ཁང་ཐེམ་འོག་རྒྱ་གྲམ
347a5 ལམ།། མཆོད་རྟེན་སྙིང་པོའི་ནང་དུ་མནན།། ཆེ་གེ་མོ་ཨ་མུ་ཀཾ། ཨོཾ་ཀུ་ཨ་ཛ། མཱ་ར་ཡ་ནན། རོ་གཡས་རྡོ་རྗེ་རྒྱ་གྲམ་དང་།། ཚ་ཚ་ས་ཚོན་རྣམ་ལྔ་མནན།། ལྕགས་ཀྱི་ཁར་སྒྲོམ་འབར་བ་ནས།། བསྐལ་པའི་མཐར་ཡང
347a6 མི་ཐར་བསམ།། དགྲ་བགེགས་གང་ཡང་གནོན་པར་འགྱུར།། སྦྱོང་བྱེད་ཆུ་ཡི་འཁོར་ལོ་ནི། ཁམ་པ་རྡོལ་བྱས་པ་ཡིས།། གྲུ་གསུམ་གའུ་ཁ་སྦྱོར་དུ།། ཆུ་འགྲམ་ས་ལ་གཟུགས་བྱས་ལ།། སྙིང་ཁར་གྲུ་གསུམ་མིང་རུས
iiif viewer powered by OpenSeadragon
