| e-texts navigator |
| Wylie |
345b1 ཡས་ཐུགས་ཀ་ནས།། ཐུགས་རྗེ་ཆེན་པོའི་ཐུགས་ཁར་སྤྲོས།། ཐུགས་དམ་རྒྱུད་བསྐུལ་མཉེས་བྱས་ནས།། ཐུགས་རྗེ་ཆེན་པོའི་ཐུགས་ཁ་ནས།། དཔའ་བོ་རྟ་མགྲིན་ཐུགས་ཁར་ཕོག། རྟ་མགྲིན་ཐུགས་དམ་རྒྱུད་བསྐུལ
345b2 ནས།། གསང་བ་ཡེ་ཤེས་ཐུགས་ཁར་ཕོག། ཡུམ་གྱི་ཐུགས་དམ་རྒྱུད་བསྐུལ་ནས།། ཞབས་འོག་མཁའ་འགྲོའི་ཐུགས་དམ་བསྐུལ།། མཁའ་འགྲོ་རྣམ་བཞིའི་ཐུགས་ཀ་ནས།། འོད་ཟེར་འཕྲོས་པས
345b3 འཇིག་རྟེན་ཁྱབ།། མི་དང་ལྷ་དང་མཁའ་འགྲོ་དང་།། ཟས་དང་སྨན་དང་ནོར་དང་འབྲུ།། སྟོང་གསུམ་ཐམས་ཅད་བཅུད་བསྡུས་ནས།། ཐོད་པའི་ནང་དུ་གང་བར་སྒོམ།། འོད་དང་དུ་བའི་རེ་རྙེད་དང་།། རོ་ཞིམ་མང་དུ
345b4 འཕེལ་བ་དང་།། རྨི་ལམ་ནོར་དང་ཟས་རྙེད་དག། མི་མང་ཟས་ནོར་འབུལ་བ་དང་།། མི་མང་ཕྱག་འཚལ་བསྙེན་བཀུར་བྱེད།། ཀུན་གྱི་གཙོ་བོར་དབང་བསྐུར་དང་།། གླུ་བྲོ་གར་གྱི་སྣ་འདྲེན་དང་།། ཆོས་གཏེར་རྙེད
345b5 དང་ནོར་རྙེད་དང་།། རྟགས་ཐོན་དངོས་གྲུབ་བླང་བར་བྱ།། རྩ་སྔགས་རྣམས་ཀྱི་མཇུག་ལ་ནི།། སིད་དྷི་སིད་དྷི་ཧཱུཾ། བསྡུས་བསྡུས་ཧཱུཾ་ཧཱུཾ། ཞེས་བཟླས་པས།། དངོས་གྲུབ་ཇི་ལྟར་འདོད་པ་བཞིན།། ལྷ་རྣམས་ཀྱིས
345b6 ནི་གསོལ་བར་སྒོམ།། དངོས་གྲུབ་རྫས་ལ་ཕུད་སྤྲོས་ལ།། ཡེ་ཤེས་ལྷ་རྣམས་མཆོད་པར་བྱ།། དེ་ནས་རང་དང་སྒྲུབ་གྲོགས་བཟའ།། ཐོད་པར་དངོས་གྲུབ་རྫས་ལྷག་བཅད།། རང་དང་མི་འབྲེལ་རྟག་ཏུ་བཅང་།།
iiif viewer powered by OpenSeadragon
