| e-texts navigator |
| Wylie |
343b1 བཏང་ལ།། སྐད་ཅིག་སྟོང་པའི་ངང་ལས་ཀྱང་།། རྟ་མགྲིན་སྐུ་རུ་གསལ་བྱས་ལ།། ཐུགས་ཁ་ཉིད་ལ་གྲིབསམ་ལ།། ཧྲི་ཡི་འོད་ཟེར་ཧཱུཾ་འཕྲོས་པས།། རྡོ་རྗེ་ཕྲ་མོའི་འཕྲོ་འདུ་ལས།། ཕྱོགས་མཚམས་རྡོ་རྗེའི་རྩིག་པ
343b2 ལ།། སྟེང་འོག་རྡོ་རྗེའི་གུར་དང་ས།། སྲིད་པའི་རླུང་གིས་མི་ཐར་སྒོམ།། ཕྱི་རིམ་བསྐལ་བའི་མེ་རི་སྒོམ།། དེ་ནི་བསྲུང་བའི་འཁོར་ལོའོ།། དེ་ནས་ཐུགས་ཀའི་ཧྲི་ལས་ནི།། ཡི་གེ་སྤུག་ནག་བྲུམ་འཕྲོས་པས།། རིན
343b3 ཆེན་སྣ་ལྔ་གཞལ་ཡས་ཁང་།། སྒོ་བཞི་རྒྱན་དང་བཅས་པར་སྒོམ།། ཉི་ཟླ་པདྨའི་གདན་སྟེངས་སུ།། ཧྲི་ཡི་འཕྲོ་འདུའི་སྦྱོར་བ་ལས།། བདེ་གཤེགས་མཆོད་ཅིང་འགྲོ་དོན་བྱ།། ཚུར་འདུས་གསེར་གྱི་རྡོ་རྗེར་གྱུར།། དེ་ཡི
343b4 འཕྲོ་འདུའི་སྦྱོར་བ་ལས།། བདག་ཉིད་རྟ་མགྲིན་སྐུར་བསྒོམས་ཏེ།། སྐུ་མདོག་དམར་པོ་བྱེ་རུ་འདྲ།། ཞལ་གཅིག་པ་ལ་ཕྱག་བཞི་པ།། དབུ་གཙུག་རྟ་མགོ་ལྡང་ཞུ་འཚེར།། གཡས་གཡོན་དང་པོ་ཡུམ་ལ
343b5 འཁྱུད།། དབང་སྡུད་ཕྱག་རྒྱ་གདེངས་པའོ།། གཡས་གཡོན་རྡོ་རྗེ་པདྨ་བསྣམས།། དབུ་རྒྱན་རིན་ཆེན་རིགས་ལྔས་བརྒྱན།། སྦྲུལ་དང་ཟོད་པའི་རྒྱན་གྱིས་བརྒྱན།། ཞབས་བཞི་ཉི་ཟླ་པདྨའི་གདན།། གསང་བ་ཡེ་ཤེས
343b6 མཁའ་འགྲོ་མ།། དམར་མོ་ཞལ་གཅིག་ཕྱག་བཞི་མ།། གཡས་གཡོན་དང་པོ་ཡབ་ལ་འཁྱུད།། གཡས་ཀྱི་འོག་མ་གྲི་གུག་ལ།། གཡོན་གྱི་འོག་མ་ཐོད་ཁྲག་སྟོབ།། ཞབས་གཉིས་བརྐྱང་བསྐུམ་ཡབ་ལ་འཁྲིལ།། རུས
iiif viewer powered by OpenSeadragon
