| e-texts navigator |
| Wylie |
342a1 ཚོགས་རྣམས་བརྒྱན།། དཔལ་གྱི་རྟ་དྲོ་རྒོ་ར་རོ།། ཁྲོ་བོའི་གར་ཟབས་ལོགས་སེ་ལོགས།། བྲོ་ནི་དྲེགས་པ་འདུལ་བའི་བྲོ།། གླུ་ནི་དབང་དུ་སྡུད་པའི་གླུ།། ཚིག་ནི་དོན་དམ་ཆོས་ཀྱི་ཚིག། ཞབས
342a2 གཡས་ཐབས་ཀྱིས་བྲོ་བརྡུངས་པ།། ཁྲོ་བོའི་ཚོགས་རྣམས་དབང་དུ་སྡུད།། ཞབས་གཡོན་ཤེས་རབ་བྲོ་བརྡུངས་པས།། ཁྲོ་མོའི་ཚོགས་རྣམས་དབང་དུ་སྡུད།། རོལ་བའི་རྟ་བྲོ་བརྡུངས་པ་ཡིས།། དྲེགས་པ་བགེགས་ཀྱི
342a3 ཚོགས་རྣམས་འཇོམས།། ཧྲི་ཧྲི་ཧྲི། ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ།། ཅེས་དཔལ་རྟ་མགྲིན་གྱི་བརྟུལ་ཞུགས་དྲག་པོའི་བྲོ་བརྡུངས་པས།། དྲེགས་པ་ཅན་རྣམས་ཐམས་ཅད་ལ་ལ་ལ་བསྒྱེལ།། ལ་ལ་བརྒྱ་ལ།། ལ་ལ་རེངས།། ལ
342a4 ལ་ལུས་སེམས་ཚར་བཅད་ནས།། དཔལ་གྱི་ཞབས་འོག་ཏུ་འདུས་པར་གྱུར་ཏོ།། དེ་ནས་བཅོམ་ལྡན་འདས་དབང་ཆེན་རྟ་མགྲིན་གྱིས།། འདུས་པའི་འཁོར་ལ་བཀའ་སྩལ་པ།། རྒྱུད་ཆེན་དྲེགས་པ་ཚར
342a5 གཅོད་རྒྱུད།། སྤྱན་རས་གཟིགས་དབང་ཁྲོས་པ་ན།། རྟ་མཆོག་རྒྱལ་པོའི་སྐུ་རུ་སྦྲུལ།། དྲེགས་པ་གདུག་པ་འདུལ་བ་དང་།། ཐུན་མོང་མཆོག་གི་དངོས་གྲུབ་སྟེར།། ནོར་བུ་ལྟ་བུར་དགོས་འདོད
342a6 འབྱུང་།། ཡོན་ཏན་བྱིན་བརླབས་ཟད་མི་ཤེས།། རྒྱུད་འདི་འདུས་པའི་འཁོར་ལ་གཏད།། བསྟན་པའི་སྙིང་པོ་ཐུབ་པར་སྲུངས།། ཞེས་གསུངས་སོ།། རྟ་མགྲིན་དྲེགས་པ་ཚར་གཅོད་ཀྱི་རྒྱུད་ལས།། དྲེགས་པ
iiif viewer powered by OpenSeadragon
