| e-texts navigator |
| Wylie |
341a1 བརླབ།། འཇིག་རྟེན་ཁམས་ཀྱི་ཚེ་བཀུག་ནས།། རྩ་སྔགས་ཤམ་བུར་ཚེ་སྒྲུབ་པ།། ཨཱ་ཡུ་བཛྲ་ཤེ་ཡུ་བྲུཾ་ཨ།། གནས་སྐབས་སྒྲུབ་པ་གྲངས་དང་སྦྱར།། བསྟོད་ཅིང་ཚེ་ནི་བུམ་པར་བསྟིམ།། གང་ལ་བྱ་བ
341a2 དེ་ལ་ནི།། ཚེ་བསྟིམ་ཚེ་དབང་བསྐུར་བར་བྱ།། བཅུ་ལས་མི་ཐུབ་བརྒྱ་ཐུབ་འགྱུར།། ཚེ་ཉམས་ཚེ་ཟད་སྟོང་ཐུབ་འགྱུར།། དེ་ནས་སྨན་གྱི་སྒྲུབ་པ་བཤད།། ས་ཆོག་བྱ་ཞིང་སྟ་གོན་བྱ།། དཀྱིལ་འཁོར་འཕྲིན་ལས་གཞུང
341a3 བསྲང་ལ།། བདུད་རྩི་སྒྲུབ་པའི་འཕྲིན་ལས་བྱ།། རྗེས་ཀྱི་ཆོ་ག་རྫོགས་པར་བྱ།། སྨན་བླ་དྲང་སྲོང་རྣམས་ཀྱིས་བྱིན་གྱིས་རློབ།། ཅེས་གསུངས་སོ།། བསྲུང་གོས་སྨན་གྱི་ཚེ་སྒྲུབ་སྨན་སྒྲུབ་ཀྱི་ལེའུ་སྟེ
341a4 ཉི་ཤུ་པའོ།། །། རྟ་མགྲིན་དྲེགས་པ་ཚར་གཅོད་ཀྱི་རྒྱུད་ལས།། སྐབས་བརྒྱད་པའོ།། །། དེ་ནས་འདུས་པའི་འཁོར་ཚོགས་ཀྱིས།། པདྨ་དབང་ཆེན་སྐུ་ལ་བསྟོད།། ནུབ་ཕྱོགས་སྣང་བ་མཐའ་ཡས་ཞིང་ཁམས
341a5 ནས།། བཅོམ་ལྡན་དབང་ཆེན་པདྨ་ཧེ་རུ་ཀ། དབང་གི་རྒྱལ་པོ་དབང་ལ་མངའ་མཛད་པ།། འཁོར་བ་དབང་སྡུད་ཐུགས་རྗེ་སྤྱན་རས་གཟིགས།། ཐུགས་རྗེའི་མངའ་བདག་ཁྱེད་ལ་ཕྱག་འཚལ་བསྟོད།། ཅེས་བསྟོད་པ
341a6 དང་།། པདྨ་དབང་ཆེན་དཔལ་རྟ་མགྲིན་གཉིས་སུ་མེད་པར་གྱུར་ཏེ། དཔལ་རྟ་མགྲིན་གྱིས་རྟ་སྐད་ཐེངས་གསུམ་བཏོན།། རྟ་བྲོ་འཁོར་གསུམ་བརྡུངས་ཏེ་ཁམས་གསུམ་དབང་དུ་བསྡུས།། སྲིད་གསུམ་ཟིལ་གྱིས
iiif viewer powered by OpenSeadragon
