| e-texts navigator |
| Wylie |
338b1 བཤད་དུ་གསོལ།། དེ་སྐད་གསོལ་བ་གསན་ནས་ཀྱང་།། དབང་ཆེན་པདྨས་བཀའ་སྩལ་པ།། བདུན་ཚིགས་བྱ་བའི་ལས་རིམ་ནི།། སྟོད་ཀྱི་ཁོག་དབུག་བར་གྱི་གཞུང་བསྲང་དང་།། སྨད་ཀྱི་ལས་མཐུན་བསྡུ་བའོ།། རོ
338b2 བསྲེག་བྱ་བའི་ལས་རིམ་ནི།། རོ་ཆས་བཞུགས་དང་ཐབ་ཤིང་བརྩིག། དཀྱིལ་འཁོར་བྲིས་རྫས་དགོད་གཞུང་བསྲང་དང་།། མཆོད་འབུལ་ལམ་བསྟན་སྨོན་ལམ་མོ།། སྦྱིན་སྲེག་བྱ་བའི་ལས་རིམ་ནི།། ཞི་རྒྱས
338b3 དབང་དྲག་ཐབ་ཁུང་ནི།། ཟླུམ་པོ་གྲུ་བཞི་ཟླ་གམ་དང་།། གྲུ་གསུམ་ལ་སོགས་གང་བྱེད་བཅའ།། དཀར་སེར་དམར་ནག་ཁ་དོག་བྱུག། ལས་དང་རྗེས་འཐུན་ཤིང་བརྩིག་སྟེ།། ལས་དང་མཐུན་པའི
338b4 བསྲེག་རྫས་རྣམས།། འཕྲིན་ལས་གནས་སྐབས་གང་བྱེད་སྦྱར།། འཕྲིན་ལས་གཞུང་བསྲང་ཐབ་ཁུང་ནང་།། མེ་ལྷ་བསྐྱེད་པ་མཆོད་བསྟོད་བྱ།། ལྟོ་བར་ལྷ་བསྐྱེད་བསྲེག་རྫས་འབུལ།། ལྷ་བསྐྱེད་ཆོ་ག་གཞུང་བསྲང
338b5 ལ།། མཆོད་སྦྱིན་རྫོགས་པར་བྱས་ནས་ནི།། ཤན་ཏིང་པུཥྚི་པ་ཤང་དང་།། མཱ་ར་ཡ་ཕཊ་རྩ་སྔགས་སྦྲེལ།། ཞི་རྒྱས་དབང་དྲག་གང་ཡིན་གྲུབ།། ཡེ་ཤེས་གཤེགས་ལ་དམ་ཚིག་བསྡུ།། སྦྱིན་སྲེག་ཤུལ་ལ་རྟ་བྲོ
338b6 བརྡུང་།། ཐལ་བརྒྱ་གྲམ་ལམ་དུ་མནན།། ཡང་ན་རླུང་ལ་འཕྱར་བར་བྱ།། དེ་ནས་མནན་པ་བྱ་བ་ནི།། དགྲ་བགེགས་རྣམ་པ་གཉིས་ཡིན་ཏེ།། དགྲ་བོ་ཀླུ་ལ་གཏད་དེ་མནན།། གྲོག་ཤོག་ཤོག་དག་ལ་ནི།། དགྲ་བོའི
iiif viewer powered by OpenSeadragon
