| e-texts navigator |
| Wylie |
296a1 བོ་དྷ་ཙེ་ཏ་མཧཱ་སུ་ཁ་ཛྙཱ་ན་དྷཱ་ཏུ་ཨ།། མོ་བེ་རོ་ཙ་ན་ཨ་བྷི་ཥིཉྩ་ཨཽ། ཧཱུཾ་བཛྲ་ས་ཏྭ་ཨ་བྷི་ཥིཉྩ་ཧཱུཾ།། སྭ་ར་ད་ན་སཾ་བྷ་བ་ཨ་བྷི་ཥི་ན་ཙ་སྭ། ཨཾ་ཨ་མི་དེ་བ་ཨ་བྷི་ཥི་ན་ཙ་ཨཾ། ཧ་ཨ་མོ་གྷ་སི་དྷཱི་ཨ་བྷི་ཤིན་ཙ་ཧ།
296a2 བུམ་པ་ཡེ་ཤེས་ཆུ་རྒྱུན་གྱིས།། རྣམ་རྟོག་དྲི་མ་དག་པར་བྱེད།། ཐབས་དང་ཤེས་རབ་ཅོད་པན་གྱིས།། བདུད་བཞིའི་འཇིགས་པ་སེལ་བར་བྱེད།། རྡོ་རྗེ་ལྟ་བུའི་ཏིང་འཛིན་གྱིས།། འཆི་བདག་བདུད་ཀྱི་གྲོང་ཁྱེར
296a3 འཇོམས།། དྲིལ་བུ་ཆོས་ཀྱིས་སྒྲ་སྒྲགས་པས།། མྱ་ངན་འདས་པར་ལུང་ཡང་སྟོན།། གསང་བ་མིང་གི་དབང་བསྐུར་བས།། སྲིད་པ་བར་དོར་གྲོལ་བར་བྱེད།། ཅེས་གསུངས་སོ།། པདྨ་དབང་ཆེན་དྲེགས་པ་ཟིལ་གནོན
296a4 གྱི་རྒྱུད་ལས།། དབུ་རྡོ་རྗེ་དབྱིངས་ཀྱི་དཀྱིལ་འཁོར་དུ་དབང་མཐར་ཕྱིན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་སྲིན་པོ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི
296a5 གསུངས་སོ།། དབུ་གཙུག་རྟག་པར་རྟ་མགོ་ལྗང་ཁུ་ལྔ།། དཔྲལ་བ་ཞུར་པོ་ཞི་བའི་ལས་སུ་བསྟན།། ཕྲུམ་ཕྲུམ་སེར་པོས་རྒྱས་པའི་བྱ་བ་འགྲུབ།། རྡོག་མ་ལེའུ་རྒན་ཐམས་ཅད་དབང་དུ་སྡུད།། རྟ་གདོང་ལྗང་ཁུ་དྲག
296a6 པོ་འགྲུབ་པར་བྱེད།། རྟ་སྐད་དགུ་ཡིས་ཐེག་པ་རིམ་དགུ་ལ།། དབང་གི་རྣལ་འབྱོར་སྒྲུབ་པ་བྱེད་པ་ཡིས།། བརྡ་སྐད་ཐལ་མོ་ལན་གསུམ་དྲག་ཏུ་བརྡབས།། རབ་ཀྱི་རྒྱལ་བའི་སྐུ་དང་མཉམ་པར་བྱེད།། འབྲིང
iiif viewer powered by OpenSeadragon
