| e-texts navigator |
| Wylie |
294b1 རྣམས་ལ་སྤྲུལ་པའི་སྐུ་སྐྱེད།། འཇིག་རྟེན་གྱི་དྲེགས་པ་ཅན་མ་ལུས་པ་རྣམས་ཟིལ་གྱིས་མནན།། ཐེག་པ་རིམ་པ་དགུའི་ལྟ་དགོངས་སམ་འདྲེས་པ་ཕྱེ་ནས།། ཉིད་ཀྱི་སྐུ་ལས་གསང་སྔགས་ཀྱི་རྒྱལ་པོ་འདི་ཕྱུང
294b2 ངོ་།། ཨོཾ་པདྨ་ཤྲཱི་ཧེ་རུ་ཀ་མ་ཧཱ་ཙ་ན་དྷ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཧཱུཾ་ཕཊ།། ཅེས་བརྗོད་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དྲེགས་པ་ཅན་ཐམས་ཅད་ཟིལ་གྱིས་མནན་པར་གྱུར
294b3 ཏོ།། པདྨ་དབང་ཆེན་དྲེགས་པ་ཟིལ་གནོན་གྱི་རྒྱུད་ལས།། ལྷུན་གྱིས་གྲུབ་པའི་དཀྱིལ་འཁོར་གྱི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་དབང་རྣམས་རྫོགས་པའི་ཏིང་ངེ་འཛིན་ལ་བཞུགས་ནས
294b4 བསྒྲུབ་པ་འདི་གསུངས་སོ།། ཤར་དུ་གཟུགས་པའི་དབུ་ནང་དུ།། རྡོ་རྗེ་འབར་བའི་གཞལ་ཡས་ཁང་།། མི་སྐྱོད་མཐིང་ཀ་རྡོ་རྗེ་འཛིན།། ས་གནོན་ཕྱག་རྒྱ་གཡས་པ་ན།། གཡོན་པ་མཉམ་པར་རབ་ཏུ་བཞག། ཡུམ
294b5 ཆེན་དབྱིངས་ཕྱུག་མ་དང་འཁྲིལ།། ཧཱུཾ་བཛྲ་དྷི་ག། མུཾ་ད་ཏུ་ཤྭ་རི། སེམས་ཅན་ཁམས་རྣམས་མ་ལུས་ལ།། བུམ་པའི་དབང་ནི་བསྐུར་བ་ཡིས།། བག་ཆགས་མ་ལུས་དག་བྱས་ནས།། མེ་ལོང་ཡེ་ཤེས་ཆེན་པོ་ཡིས།། རྣམ
294b6 པར་ཤེས་པའི་ཕུང་པོ་དང་།། ནམ་མཁའ་འཛིན་པ་རྣམ་པར་དག། ལྷོ་རུ་གཟིགས་པའི་དབུ་ནང་དུ།། རིན་ཆེན་མཛེས་པའི་གཞལ་ཡས་ཁང་།། རིན་འབྱུང་སེར་པོ་རིན་ཆེན་འཛིན།། སྦྱིན་གཏོང་ཕྱག་རྒྱ་གཡས་པ
iiif viewer powered by OpenSeadragon
