| e-texts navigator |
| Wylie |
294a1 པས་རོལ།། ནུབ་ཏུ་རོལ་པའི་ཕྱག་བཞི་ནི།། མེ་ཡི་ཞགས་པ་དང་ནི་ཁྱུང་གི་ཁྭ།། སྡིགས་མཛུབ་རྩེ་ལ་བསྐལ་པའི་མེ་ཆེན་འབར།། རྡོ་རྗེ་ཁ་ཊྭཱཾ་ཁ་ནི་རབ་ཏུ་འཁྲོལ།། བྱང་དུ་རོལ་པའི་ཕྱག་བཞི་ནི།། རྫུ
294a2 རྡོ་རྩེ་དགུ་དང་ནི་རྩེ་ལྔ་དང་།། རྩེ་གསུམ་རྩེ་གཅིག་འབར་བ་གསོར་ཞིང་བརྡེག། རྡོ་རྗེ་ལྟ་བུའི་གཤོག་པས་ནམ་འཕང་གཅོད།། རིན་ཆེན་སྤྱོད་པའི་གཤོག་པས་དམ་སྦྱིན་གཏོང་།། ཐུགས་ལ་ཡེ་ཤེས་སེམས་དཔའ
294a3 རྣམ་པར་བཞུགས།། དེ་ཡི་སྐུ་ལ་གཟི་ལྡན་པདྨ་འཁྲིལ།། དཔའ་རྟགས་སྟག་གིས་སྟེང་ཕྱོགས་འདུལ་ཞབས་བརྒྱན།། རྒྱ་བྱེའུ་ལྕགས་ཀྱིས་ཤར་ལྷོའི་ཞབས་བརྒྱན་ཏེ།། རྡོ་རྗེ་ཚོལ་བས་ལྷོ་ཕྱོགས་ཞབས་ཀྱང
294a4 བརྒྱན།། བསེ་ཁྲབ་སྨུག་པོས་ལྷོ་ནུབ་རྐྱང་པ་བརྒྱན།། གཅན་གཟན་གཟིག་གིས་བྱང་ཤར་རྐྱང་པ་བརྒྱན།། ཤུན་ཀེན་དར་གྱིས་བྱང་ཕྱོགས་ཞབས་ལ་བརྒྱན།། མཆི་བ་དམར་པོས་ནུབ་བྱང་རྐྱང་པ་བརྒྱན།། སྦྲུལ་ནག
294a5 ཁྱིལ་བས་འོག་ཕྱོགས་འདུལ་བ་བརྒྱན།། ཁྲོ་བརྒྱད་ཉིད་ཀྱི་གདན་དུ་བཏིང་ནས་མནན།། ས་བཅུའི་ཟིལ་གནོན་སྟོབས་བཅུའི་དབང་དང་ལྡན།། དུས་གསུམ་སངས་རྒྱས་སྐུ་གསུང་ཐུགས་ལ་གནས།། གཉིས་མེད
294a6 བྱང་ཆུབ་སེམས་ཀྱིས་ཡོངས་ལ་ཁྱབ།། དེ་ལྟ་བུའི་སྐུ་མངོན་པར་ཤར་ནས་འཁོར་རྣམས་ལ་ཡོངས་སུ་གཟིགས་ཏེ།། ས་བཅུའི་བྱང་ཆུབ་སེམས་དཔའ་རྣམས་ཀྱི་ཤེས་བྱའི་སྒྲིབ་པ་སྦྱངས།། འཁོར་བའི་སེམས་ཅན
iiif viewer powered by OpenSeadragon
