| e-texts navigator |
| Wylie |
293a1 ཤེས།། སེམས་ལ་དམིགས་པར་བྱས་པ་ཡིས།། སྣང་བ་གསུམ་པོ་གཏན་ལ་འབེབས།། རླུང་གི་དེ་ཉིད་བསྟེན་པ་ཡིས།། འཁོར་འདས་བྱ་བ་བྱེད་པ་ཤེས།། རྡོ་རྗེ་བཟླས་པ་བཤད་པ་ཡིས།། གསང
293a2 སྔགས་འབྲུ་གསུམ་དོན་དུ་འདུས།། མངོན་པར་བྱང་ཆུབ་རིམ་པ་ཡིས།། སྒྲིབ་བྲལ་དགོངས་པ་མྱ་ངན་འདས།། འོད་གསལ་ཟུང་དུ་འཇུག་པ་ཡིས།། རྡོ་རྗེ་དབང་དུ་ཡང་སངས་རྒྱས།། ཕོ་ཡི་བསྒྲུབ་པས་བསྐོལ་བ
293a3 ནི།། ཞེ་སྡང་ཅན་ལ་སྲོག་མཐུས་བསྒྲུབ།། གནོད་སྦྱིན་ཟན་ལ་ཕབས་པ་ཡིས།། ང་རྒྱལ་ཅན་ལ་ཐོག་སེར་བསྒྲུབ།། མོ་ཡི་བསྒྲུབ་པ་བྱས་པ་ཡིས།། འདོད་ཆགས་ཅན་ལ་དབང་དུ་སྡུད།། གདུག་པ་གསུམ་པོ་མངགས
293a4 པ་ཡིས།། ཕྲག་དོག་ཅན་ལ་བསྲུང་ཞིང་བཟློག། ཀླུ་གཉེན་ས་བདག་གཟེར་བ་ཡིས།། གཏི་མུག་ཅན་ལ་ཀླུ་གཏད་བསྒྲུབ།། མན་ངག་མ་ལུས་གསང་བ་རྣམས།། འདིས་འདུས་དབང་ཆེན་གསང་བའི་རྒྱུད།། བསྟན་པ
293a5 དར་བར་སྤྱོད་འགྱུར་བ།། ལྷ་དང་མཁའ་འགྲོའི་ཐུགས་ཀྱིས་ཟུང་།། ཞེས་ཕྱོགས་བཅུར་སྒྲ་སྒྲགས་པས།། ཀུན་གྱིས་རང་རང་གི་སྐད་དུ་གོ་ནས་བདེ་བ་ཆེན་པོ་ཆོས་ཀྱི་སྐུ་ལ་ཐིམ་མོ།། དབང་ཆེན་དྲེགས་པ་གསང་བ
293a6 ལས།། ཡོངས་སུ་བསྡུས་པའི་ལེའུ་སྟེ་ཉི་ཤུ་བའོ།། །། རྒྱུད་འདི་ཨུ་རྒྱན་སློབ་དཔོན་པདྨས་བསྒྱུར་ནས།། རྒྱལ་པོ་ལ་གཏད་དེ་སྦས་པ་འདིས།། ཕྱི་རབས་རྣལ་འབྱོར་ལས་འཕྲོ་ཅན་དང་ཕྲད་པར
iiif viewer powered by OpenSeadragon
