| e-texts navigator |
| Wylie |
245a1 པ་ནི་རྟག་ཏུ་དྲང་བའོ།། ལེའུ་དགུ་པའོ།། །། དེ་ལ་བསྐུལ་བ་དང་གདབ་པའི་དུས་ཆོད་ནི། འཇམ་དཔལ་མ་རུ་རྩེ་ནི་སྤྱི་ཡི་ལྷ་སྟེ། ཁམས་གསུམ་དབང་དུ་སྡུད་པའི་འདི་དྲག་ཏུ་བསྐུལ་ལོ།། གནོད
245a2 སྦྱིན་མ་རུ་ཙེ་རྒྱུ་བའི་དུས་ཚོད་ནི་ནམ་ཕྱེད་ན་ཡིན་ནོ།། དེ་ཡི་དུས་སུ་བསྐུལ་ཞིང་སྙིང་པོ་ནས་གནོད་པ་འདའོ།། ཨོཾ་ཧྲིཥྚི་བི་ཀྲི་ཏཱ་ཆེ་གེ་མོའི་ལིང་ཙ་ལ་མ་ར་ཡ་ཛ། ཞེས་བརྡེག་གོ། སྤྱིར་ཡང་དྲིལ་ཏེ་བརྡེགས་པའི
245a3 སྔགས་ལ། ཨོཾ་ཤྲཱི་མཉྫུ་ཡ་སྙིང་མགོ་ཆོད། སྲོག་ལ་ཧུར། ཙིཏྟ་ཀུ་ལུང་། ཙ་ཀྲ་རཾ། སོ་ཏྲི་ཁ། གཤམ་ཏྲོ་ཛ། ཞེས་བརྡེག་པར་བྱའོ།། གསང་བའི་ལེའུ་སྟེ་བཅུ་པའོ།། །། མ་རུ་ཙེ་ལ་ཕྱག་འཚལ་ལོ།། བསེ་མའི་ཚོགས
245a4 ལ་ཕྱག་འཚལ་ལོ།། དང་པོ་ཡུམ་མ་ཧཱ་དེ་བ་སྟེ།། དཔལ་ལྡན་དབང་ཕྱུག་འཇིག་རྟེན་སྐྱོང་བའི་གཙོ།། དེ་ཡི་དམ་ལ་བཏགས་པ་སྟེ།། སྲིད་གསུམ་ཟིལ་གྱིས་གནོན་པའི་ལྷ།། དེ་ནས་རིགས་ཀྱི་མགོན་པོ་སྟེ།། ཕྱག་ན
245a5 རྡོ་རྗེ་མཐུ་ཡི་བདག། དེ་ནས་ཆོས་སྐྱོང་བདག་པོ་སྟེ།། དེ་ནས་འཇམ་དཔལ་ཨརྱ་མ་རུ་ཙེ།། དེ་ནས་སྙིང་རྗེའི་བདག་པོ་སྟེ།། སྲིད་པར་འགྲོ་བ་རྣམས་ཀྱི་གཉེན་གཅིག་པོ།། དེ་ནས་གཤིན་རྗེའི་གཙོ་བོ་སྟེ།། གཤིན
245a6 རྗེའི་རྒྱལ་པོ་མ་རུ་ཙེ།། དེ་ནས་ཕྱོགས་བཅུའི་བདག་པོ་སྟེ།། སྒྲོལ་གིང་ཆེན་པོ་མ་རུ་ཙེ།། དེ་ནས་དམག་དཔོན་གཙོ་བོ་སྟེ།། གནོད་སྦྱིན་དམར་པོ་གཤིན་རྗེ་གཤེད་ཀྱི་ལྷ།། དེ་ནས་རིག་སྔགས་བདག་པོ་སྟེ།། གསང
iiif viewer powered by OpenSeadragon
