| e-texts navigator |
| Wylie |
243b1 སྲས་དང་བཅས་རྣམས་ཀྱི།། འགལ་བྱེད་ཆམ་ལ་དབབ་འདོད་ན།། མ་རུ་རྩེ་ལ་བརྩོན་པས་སྒྲུབ།། བཛྲ་མ་བཞི་དར་ཆེན་མོ་བཞི།། ཤ་ཟའི་ཚོགས་དང་ཁྲག་འཐུང་ཚོགས།། གིང་དང་ལས་བྱེད་མང་པོ་ཀུན།། རང
243b2 རང་འཕྲིན་ལས་མཛད་པར་བྱུང་།། ལེའུ་དང་པོའོ།། །། འཕྲིན་ལས་མྱུར་དུ་ཇི་ལྟར་སྒྲུབ།། དང་པོ་རི་ཁྲོད་ངོས་ལ་བརྩམ།། བྱིན་བརླབས་དབང་གཟུགས་དམ་བརྡར་ནས།། རྫས་དང་ཡས་ཐགས་འཚོགས་པ
243b3 དང་།། དཀྱིལ་འཁོར་འཁོར་ལོ་རྩིབས་བཞི་ལ།། ཤར་དུ་དམ་རྫས་སྣ་ཚོགས་པ།། ལྷོར་ནི་སྐྱེར་བའི་ཧོམ་ཤིང་བཅིང་།། ནུབ་ཏུ་སྤྲུལ་པའི་ཕུར་བུ་གཞག། བྱང་དུ་དབྱེ་བའི་སྒྲོ་དྲུག་གཞག། དབུས་སུ་དུག་གི་བླུག་གུ
243b4 གཞག། ཤོད་སྡེ་ཡས་ཐགས་འཚོགས་པར་གཞག། ལེའུ་གཉིས་པའོ།། །། དང་པོ་ཆོས་ཉིད་ཏིང་ངེ་འཛིན།། གཉིས་པ་ཁྱབ་པའི་ཏིང་ངེ་འཛིན།། གསུམ་པ་མཚོན་པའི་ཏིང་ངེ་འཛིན།། ཧཱུཾ་ལས་ཀྱང་ཕྱག་མཚན་ཉིད
243b5 ལས་སྐུ་བསྐྱེད་པ།། ཨོཾ་ཤྲཱི་མཉྫུ་ཤྲཱི་ཡ་མ་ཏ་ཀ་མ་རུ་རྩེ་པ་ཏ་ཡེ་ཧཱུཾ། བདག་ཉིད་མ་རུ་རྩེ་སྐུ་གསལ་བ་ཉིད་གྲུབ་པ་དང་། མ་ཡི་འཕྲོ་འདུ་བྱིན་རླབས་ལས།། བཛྲ་མ་བཞི་གསལ་བར་སྒོམ།། ཛ་ཡི་འཕྲོ་འདུའི་བྱིན་རླབས
243b6 ལས།། མ་རུ་རྩེ་བཞི་གསལ་བར་སྒོམ།། གཞན་ཡང་ཕོ་ཉའི་ཚོགས་ཀུན་ནི།། རང་རང་ཆ་ལུགས་གསལ་བར་བྱ།། ལེའུ་གསུམ་པའོ།། །། སྲོག་གི་སྙིང་པོ་དག་དྲང་ངོ་།། ན་མོ་རཏྣ་ཏྲ་ཡ་ཡཱ། ཙ་ལ་ཙ་ལ་པྲ་ཙ་ལ།།
iiif viewer powered by OpenSeadragon
