| e-texts navigator |
| Wylie |
243a1 འགྱུར།། སྤུ་གྲི་རེག་ཆོད་གསང་བ་རུ་མཚོན་དམར་པོའི་རྒྱུད་ལས། དུས་དང་ཡོན་ཏན་བསྟན་པའི་ལེའུ་སྟེ་དགུ་པའོ།། །། གཤིན་རྗེ་དམར་པོའི་ཤན་པ་ལས་ཀྱི་རྒྱུད། སྤུ་གྲི་རེག་ཆོད་གསང་བ་རུ་མཚོན
243a2 དམར་པོའི་དྲག་སྔགས།། ཨོཾ་རྒྱན་པདྨ་འབྱུང་གནས་ཀྱིས།། བལ་ཡུལ་ཚ་བ་ཚ་ཤོད་ཀྱི།། མཆོད་རྟེན་དམར་པོར་སྦས་བྱུང་བ།། གཉིས་ལས་མངས་ན་ལྷ་འདྲེ་སྤངས།། བློ་ལ་ཟུང་ལ་ཟུར་ལ་དཔེ་ཡར་ཕྱིས།། དམ་མེད
243a3 སེར་སྣས་བཅིངས་པ་དང་།། སྐྱོན་ཅན་འོག་བྲུས་བྱེད་པ་ལ།། བསྟན་ན་ཆོས་འདིས་ཐམས་ཅད་གཅོད།། སྤུ་གྲི་རིག་ཆོད་གསང་བའི་རྒྱུད་རྫོགས་སོ།། །། རུ་མཚོན་དམར་པོའི་རྒྱུད་འདི་རྒྱ་གར་དྷ་ན་དྷ་ལས། ཡོན་ཏན
243a4 རྒྱ་མཚོ་ལ་བཙས་སུ་གཞག་གོ།། ། @#།། རྒྱ་གར་སྐད་དུ། ཡཀྐ་མུ་ཏྲ་ཏན་ཏྲ། བོད་སྐད་དུ། གནོད་སྦྱིན་གར་མཁན་མཆོག་གི་རྒྱུད། འཇམ་དཔལ་གཤིན་རྗེ་གཤེད་པོ་ལ་ཕྱག་འཚལ་ལོ།། མ་རུ
243a5 རྩེ་ལ་ཕྱག་འཚལ་ལོ།། མ་རུ་རྩེ་མཆེད་བཞི་ལ་ཕྱག་འཚལ་ལོ།། བསེ་ཡི་ལྷ་མོ་བཞི་ལ་ཕྱག་འཚལ་ལོ།། གནོད་སྦྱིན་གྱི་ཚོགས་ལ་ཕྱག་འཚལ་ལོ།། མ་རུ་རྩེ་ཡི་སྤྲུལ་པ་ལས།། སྐུ་ཡི་སྤྲུལ་པ་གཤིན་རྗེ་མ་རུ
243a6 རྩེ།། གསུང་གི་སྤྲུལ་པ་སྲིན་པོ་མ་རུ་རྩེ།། ཐུགས་ཀྱིས་སྤྲུལ་པ་བདུད་པོ་མ་རུ་རྩེ།། ལས་ཀྱི་སྤྲུལ་པ་གནོད་སྦྱིན་མ་རུ་རྩེ།། སྲིད་པ་གསུམ་གྱི་དམག་སྡུད་ཅིང་།། གནོད་སྦྱིན་ཡོངས་ཀྱི་སྡེ་དཔོན་མཛད།། བཙུན་མོ
iiif viewer powered by OpenSeadragon
