| e-texts navigator |
| Wylie |
241b1 དམར་པོའི་རྒྱུད་ལས། རྫས་དང་སྒྲུབ་པའི་ལེའུ་སྟེ་བཞི་པའོ།། །། དེ་ནས་དམ་ཚིག་བསྲུང་བར་བྱ།། རུ་མཚོན་སྒྲུབ་པའི་དུས་དག་ཏུ།། དམ་ཚིག་སྙིང་རྗེ་སེམས་མི་སྐྱེད།། གཞན་གྱི་ཡི་དམ་ལྷ་མི་བསམ།། ཉམས
241b2 པའི་ཁ་ཟས་བཟའ་མི་བྱ།། རྡོ་རྗེའི་གདན་བྱ་མི་སྤྲུག་ཅིང་།། དལ་གྱི་ཟུར་ལ་མགོ་མི་བསྟན།། བསེ་ལྷམ་ཁྲམ་པོ་སྔས་མི་གཞུག། ཟས་ཀྱི་གཏོར་མ་རྒྱུན་མི་གཅད།། རུ་མཚོན་བཙུགས་ནས་སྨྲ་བ་སྤང་།། གཞན་དུ་མི
241b3 མང་བུན་སང་སྤང་།། སྨྲ་བ་བཏང་ནས་རུ་མཚོན་བརྟུལ།། སྤུ་གྲི་རེག་མཆོད་གསང་བ་བསེ་ཡི་རུ་མཚོན་དམར་པོའི་རྒྱུད་ལས། དམ་ཚིག་དང་བཅས་པའི་ལེའུ་སྟེ་ལྔས་པའོ།། །། དེ་ལ་རྟགས་ཚད་གཟུང་བ
241b4 ནི།། བསྙེན་པ་བདུན་ལས་རྟགས་འབྱུང་བ།། རྟ་པ་ཞི་བ་ཅན་བྱ་བ་སོགས།། འོད་དང་སྒྲ་ལ་སོགས་པ་འབྱུང་།། སེམས་ཅན་བསད་དང་བྱུང་བ་དང་།། སྒྲུབ་པ་ལ་ཡང་འཇུག་པར་བྱ།། སྒྲུབ་པ་བྱས་ལ་རྟགས་འབྱུང
241b5 བ།། རྟ་ལ་ཞོན་ནས་བརྒྱུག་པ་པ་དང་།། དགྲ་ཡི་མཚོན་ཆ་ཐོབ་པ་དང་།། འཁྲུལ་པའི་རུ་བསྐོས་བྱེད་པ་དང་།། ར་གཡག་ཁྲིད་ནས་འོང་བ་དང་།། དེ་ལྟ་བུ་ཡི་རྟགས་བྱུང་ནས།། བསད་པའི་ལས་ལ་འཇུག་པར
241b6 བྱ།། བསད་པ་ཞག་བདུན་རྟག་འབྱུང་བ།། ར་དང་རིད་གས་བསད་པ་དང་།། དངོས་སུ་ཁྲིད་ནས་འོང་བ་དང་།། དགྲ་ཡི་མཚོན་ཆ་བཅག་པ་དང་།། དགྲ་བོ་སོད་པའི་རྟགས་ཡིན་པས།། མྱུར་དུ
iiif viewer powered by OpenSeadragon
