| e-texts navigator |
| Wylie |
5b1 རྫོགས་པར་འདོད།། དཀའ་ཐུབ་ཆེན་པོ་བྱེད་པ་ན།། གསད་པའི་ལས་ཀྱི་སྔགས་ཡང་གདགས།། སྐུ་གཟུགས་བཞད་དམ་འགུལ་བའམ།། ལུང་སྟོན་སྒྲ་འམ་གཟུགས་བརྙན་ནམ།། རྨི་ལམ་རྟགས་རྣམས་མང་དུ
5b2 འབྱུང་།། བསྟན་པར་རེད་ནས་དངོས་གྲུབ་སླང་།། ཞེས་གསུངས་སོ།། འཇམ་དཔལ་གཤིན་རྗེ་དམར་ནག་འབར་བའི་རྨི་རྒྱུད་ལས། ཡི་གེ་འཁོར་ལོ་རྫོགས་ཆེན་གྱི་ལེའུ་སྟེ་གསུམ་པའོ།། །། དེ་ནས་དཔལ
5b3 འབར་ཆེན་པོ་ལ།། འཇིག་རྟེན་གཙོ་བོས་འདི་སྐད་གསོལ།། ཀྱེ་མ་དཔལ་འབར་ཁྲོ་བདག་ནི།། བསྙེན་པ་དེ་ལྟར་རྫོགས་གྱུར་ནས།། དངོས་གྲུབ་ལས་རྣམས་རྫོགས་པར་བྱ།། དེ་སྐད་གསོལ་པ་བཏབ་པ
5b4 དང་།། དམ་ཚིག་བདག་པོས་ཡང་དག་གསུངས།། དུར་ཁྲོད་ཆེན་པོའི་གནས་དག་དང་།། གསར་རྙིང་ཡི་དགས་གྲོང་ཁྱེར་ན།། གདུག་པ་འདུལ་བའི་ཏིང་ངེ་འཛིན་གྱིས།། རྡོ་རྗེ་འགྲོས་དང་སྟང་ཐབས་བྱ།། གྲོང་ཁྱེར
5b5 བཤིག་པའི་ས་དག་ལས།། རཀྵ་ཁྲག་གིས་ཆག་ཆག་གདབ།། གཞན་གྱི་ཐལ་ཆེན་མ་ཡིན་པ།། རང་གི་དོན་དུ་བསྒྲུབ་པ་ཡི།། ཐལ་ཆེན་གྱིས་ནི་བྲི་བར་བྱ།། གནམ་ས་གཉིས་ལ་ཐིག་བཏབ་པས།། དཀྱིལ་འཁོར
5b6 རྣམ་གཉིས་ལྷུན་གྱིས་གྲུབ།། དུར་ཁྲོད་གཞལ་ཡས་ཕུན་སུམ་ཚོགས།། དབུས་ནི་གྲུ་གསུམ་མཐིང་ནག་ལ།། ཟླ་གམ་དམར་ལ་གྲུ་ཆད་སེར།། འཁོར་ལོ་བརྒྱད་དང་ཟླ་གམ་དམར་པོ་བཞི།། ཐོད་འཕྲེང་མེ་རིས་རབ
iiif viewer powered by OpenSeadragon
