| e-texts navigator |
| Wylie |
4b1 འགག་མེད་རྒྱན་ཤར་བས།། ང་ཡི་དངོས་གྲུབ་འདོད་པ་དེས།། སྐུ་མདོག་ཕྱག་མཚན་ངེས་མེད་བསྒོམ།། གལ་ཏེ་འབྱུང་པོ་དམ་སྲི་ནི།། རང་གི་རྒྱུད་ལས་ལྷར་སྲིད་པས།། བདག་ཅེས་མེད་པའི་ངང་དུ་བསྒྲལ།། ཅེས
4b2 གསུངས་སོ།། དེ་ནས་ཡང་དག་བཤད་བྱ་བ།། མ་རིག་འཁྲུལ་རྒྱས་རྒྱུ་ལུས་ལ།། བག་ཆགས་ཁྲིག་པའི་རྟེན་བཅས་ནས།། མི་འདོད་པ་དག་འབྱུང་གྱུར་བས།། མཚན་མ་རྫོགས་པས་གཤེད་པོ་ལྔས།། ལས་རྣམས
4b3 རྫོགས་པར་བྱ་བའི་ཕྱིར།། གནས་དུས་དཀྱིལ་འཁོར་རྫས་ལ་སོགས།། གྲུབ་པའི་སྔགས་ལ་སོགས་པ་སྦྱར།། ནད་འཁྲུག་དམ་ཚིག་ཉམས་པའི་ཚེ།། འབྱུང་བ་བཤིག་ཕྱིར་གཤིན་རྗེ་རྦད། མཚོན་ཆའི་འཁོར་ལོ་རང
4b4 སྲོག་གཅད།། བསྙེན་པའི་ལྷ་ཉིད་བདུད་དུ་དབབ།། ཅེས་གསུངས་སོ།། དཔལ་གཤིན་རྗེ་དམར་ནག་འབར་བའི་རྨེ་རྒྱུད་ལས། གླེང་བསླང་དྲག་པོའི་ལེའུ་སྟེ་གཉིས་པའོ།། །། དེ་ནས་དཔལ་འབར་ཆེན་པོ
4b5 ལ།། འཇིག་རྟེན་མགོན་པོས་འདི་སྐད་ཞུས།། ཀྱེ་མ་དཔལ་འབར་ཁྲོ་བདག་རྗེ།། གདུག་པ་མ་ལུས་འདུལ་བའི་ཕྱིར།། ལྷོ་ཡི་རོ་ཕྱོགས་ཉམས་འཇིགས་པ།། ཤན་མ་རི་ལ་སོགས་པ་ནི།། དུར་ཁྲོད་ཤིང་གཅིག་དུར
4b6 ཁྲོད་དང་།། བྲག་དམར་བྲག་ནག་ས་ཕུག་དང་།། ཉམས་དགའ་བ་ཡི་གནས་སུ་བྱ།། བྱང་ཆུབ་རྩལ་ནས་སེམས་སྦྱངས་ཏེ།། བསྙེན་པའི་དོན་དུ་གསུངས་པ་ཡི།། ཞི་ཁྲོ་ཆོ་ག་གཞུང་བཞིན་ཏེ།། འབྲས་བུ་ལྔ་ལ་རྟེན
iiif viewer powered by OpenSeadragon
