| e-texts navigator |
| Wylie |
3a1 ཉིད་ཀྱི་གཡོན་འཁོད་པ། ལས་བྱེད་འབུམ་གྱི་གཙོ་མོ་ཡང་། ལྷ་མཆོག་ཉིད་ཀྱི་གཡས་ན་རབ་ཏུ་ཁྲོས་པར་བཞུགས་སོ།། དེའི་ཚེ་དེའི་དུས་ན་འཁོར་ཡང་ཡེ་ཤེས་ལས་གྲུབ་པའི་འཁོར་དང་། གདུག
3a2 བྱེད་ཡེ་ཤེས་ཀྱི་སྤྲུལ་པ་དང་། འཇིགས་རྟེན་རླག་པར་མཛད་པའི་གཤིན་རྗེ་ནི། ཕྱི་འབྱུང་བ་ལ་དབང་བྱེད་པའི་གཤིན་རྗེ་དང་། ནང་ཕུང་པོ་ལ་དབང་བྱེད་པའི་གཤིན་རྗེ་དང་། གསང་བ་རིག་པ་ཁྲིད་པའི་གསིན་རྗེ
3a3 དང་། བསེའི་གྱད་གཏུམ་པོ་དང་། བསེའི་སྐྱེས་བུ་དྲག་པོ་དང་། བསེའི་རོལ་པ་དང་། བསེའི་ཁྱེའུ་ཆུང་དང་། བསེའི་ལྷ་མོ་དང་། བསེའི་སྐྱེས་པ་དང་། རྗེའུ་དང་། བློན་པོ་དང་། སྤྲུལ་པ་དང་། བསམ་ལས་འདས་པ
3a4 སྟེ། དུར་ཁྱི་ནག་པོ་དང་། ལྕེ་སྤྱང་ནག་མོ་རོ་ལ་རྔམ་པ་དང་། མྱོས་བྱེད་དང་། ལྐུགས་བྱེད་དང་། འཛིན་གིང་དང་། སྤྲུལ་པ་ཡང་སྦྲུལ་དང་། རྗེ་མོ་དང་། ཡང་རྗེ་མོ་དང་། བློན་མོ་ཡང་གཡོག་མོར་བཅས་ཏེ། ལ་ལ་ནི
3a5 ཤ་ལ་ཟ། ལ་ལ་ནི་ཁྲག་ལ་འཐུང་། ལ་ལ་ནི་རུས་པ་འཆའ། ལ་ལ་ནི་ངུ། ལ་ལ་ནི་དགོད། ལ་ལ་ནི་མི་སྡུག་པའི་གར་བྱེད། ལ་ལ་ནི་གླུ་ལེན། ལ་ལ་ནི་གོམ་པའི་སྟབས་རྡེག། ལ་ལ་ནི་གནམ་ལྕགས་འཕེན། ལ་ལ
3a6 ནི་འཁོར་ལོ་འཕེན་ལ་ལ་ནི་མདའ་འཕེན། ལ་ལ་ནི་སྲོག་ལ་ཞལ་གྱིས་རྔུབ་སྟེ། ཁ་ནས་ཁ་རླངས་དུག་གི་ཆུ་འབབ། མིག་ནས་ཁྲག་འཛག། དབུགས་ཞེ་སྡང་གི་མེ་འབར་སྣ་ནས་ནད་ཀྱི་ན་བུན་འཐུལ། འཇིག་རྟེན
iiif viewer powered by OpenSeadragon
