| e-texts navigator |
| Wylie |
65a1 ནང་དུ་ནི།། སྔ་མའི་གཞལ་ཡས་ཁང་བསྐྱེད་དེ།། སྒྲོལ་བྱེད་ཡབ་ཡུམ་བསྒོམས་ནས་ཀྱང་།། རྡོ་རྗེ་ལུ་གུ་རྒྱུད་བསམས་ནས།། ཕྱོགས་བཞི་མཚམས་བཞིར་བསྐོར་ནས་ཀྱང་།། རྟོག་ཚོགས་དཀྱིལ་འཁོར
65a2 ལྷ་རུ་གསལ།། ཏ་ཐ་མ་ཐ་ཧ་ཧཾ་དབྱེ་བ་ནི་ཏྲ་ཏྲ་བཤད་བགད་ཅེས་བཀའ་སྩལ་ཏོ།། ཕུར་པ་བསྐལ་པ་མེ་ལྟར་འབར་བའི་རྒྱུད་ལས།། རུ་ཏྲ་བསྒྲལ་བའི་ལེའུ་སྟེ་བཞི་པའོ།། །། དེ་ནས་ཡང་ཀར་མ་ཧེ་རུ་ཀས། སྒྲོལ
65a3 བྱེད་ཀྱི་རྒྱལ་པོ་ལ་འདི་སྐད་ཅེས་ཞུས་སོ།། རིགས་ཀྱི་བསྒྲུབ་པ་ཇི་ལྟར་ལགས།། ཀཱི་ལ་ཡ་ལ་བདག་ཉན་འཚལ།། སྒྲོལ་བྱེད་རྒྱལ་པོས་བཀའ་སྩལ་པ།། དཀྱིལ་འཁོར་འཁོར་ལོ་རྩིབས་བཞི་ལ།། དབུས་སུ་གྲུ
65a4 གསུམ་ཨེ་ཡི་གནས།། ཟླ་ཁམ་མུ་ཁྱུད་ཐོད་པས་བསྐྱོར།། དབུས་སུ་སྒྲོལ་བྱེད་རྒྱལ་པོ་ཉིད།། ཤར་དུ་བུདྡྷ་ཧེ་རུ་ཀ། ལྷོ་རུ་རད་ན་ཧེ་རུ་ཀ། ནུབ་ཏུ་པདྨ་ཧེ་རུ་ཀ། བྱང་དུ་ཀར་མ་ཧེ་རུ་ཀ། དབུ་གསུམ་ཕྱག་ཀྱང་དྲུག་པ
65a5 སྟེ།། ཞབས་ནི་རྣམ་པ་བཞི་རུ་བགྲད།། ཁྱུ་མཆོག་མ་ཧེ་སྟག་དང་གཟིག། གཏུམ་དོམ་དབང་ཕྱུག་ལྷ་ཆེན་གདན་ལ་བཞུགས།། དུར་ཁྲོད་ཆས་རྣམས་ཀུན་གྱིས་བརྒྱན།། དཔའ་དང་སྒེག་དང་འཇིགས་སུ་རུང་།། རང
65a6 རེ་ལག་ཆ་སྣ་ཚོགས་དང་།། རལ་གྲི་དགྲ་སྟ་གཤོལ་ལ་སོགས།། སྟོང་གི་ཁོར་ཡུག་འཇིག་རྟེན་བཅས།། ཞི་རྒྱས་དབང་དང་དྲག་པོ་ཡི།། རང་རང་མདོག་གིས་རྣམ་པར་བརྒྱན།། རིགས་ནི་རྣམ་པ་ལྔ་ཉིད་དེ།། རིགས
iiif viewer powered by OpenSeadragon
