| e-texts navigator |
| Wylie |
64b1 ལྟར་འབར་བའི་རྒྱུད་ལས། ཐུགས་རྗེ་ཆེན་པོའི་འཕྲིན་ལས་ཀྱིས་བཀའི་མོལ་བ་མཛད་པའི་ལེའུ་སྟེ་གསུམ་པའོ།། །། དེ་ནས་ཡང་ཀར་མ་ཧེ་རུ་ཀས།། སྒྲོལ་བྱེད་ཀྱི་རྒྱལ་པོ་ལ་འདི་སྐད་ཅེས་ཞུས་སོ།། རུ་དྲའི་རྒྱུ
64b2 ནི་ཅི་ལས་བྱུང་།། རུ་དྲ་རྣམ་པ་དུ་ཞིག་མཆིས།། བསྒྲལ་བའི་ཐབས་ནི་ཇི་ལྟ་ལགས།། ཞེས་ཞུས་པས། ཀཱི་ལ་ཡ་ཡིས་བཀའ་སྩལ་པ།། རྒྱུ་ནི་འཛིན་རྟོག་གཉིས་ལས་བྱུང་།། གྲངས་ནི་རྣམ་པ་གསུམ་ཡིན་ཏེ།། ཕྱི་ཡི།
64b3 ཡུལ་དུ་སྣང་བ་སྟེ།། མཚན་མར་འཛིན་ཅིང་དངོས་པོར་འཛིན།། འགྱུར་མེད་འདོད་ཁམས་དག་ན་རྟག་ཏུ་གནས།། དྲང་སྲོང་ཆེན་པོ་རྣམས་ལ་རྟག་པར་བར་དུ་གཅོད།། འདི་ནི་མ་ཏང་ཀའི་རུ་དྲར་བཤད།། ནང
64b4 གི་སེམས་དང་གཟུང་འཛིན་གཉིས་སུ་མེད་པ་ལས།། གཟུང་འཛིན་རྣམ་རྟོག་དག་ལས་གྱེས་པ་སྟེ།། བཅུད་ཀྱི་སེམས་ཅན་འཇིག་རྟེན་སྲིད་ལ་གནས།། གཟུགས་ཁམས་ཀུན་ལ་གནས་པ་སྟེ།། ལྷ་རྣམས་ཀུན་ལ་བར
64b5 ཆོད་བྱེད།། འདི་ནི་ཁ་ཊྭཱཾ་ཀའི་རུ་དྲར་བཤད།། ཆོས་རྣམས་ཐམས་ཅད་རྒྱུ་འབྲས་ལེན་མེད་ཅིང་།། འདི་ནི་ནམ་མཁའ་ཁྱབ་པར་གནས།། འདི་ནི་ཨ་ཀར་ཤ་ཡི་རུ་དྲར་བཤད།། འདི་ནི་དབང་ཕྱུག་ཀུན་ལ་གནོད་པར
64b6 བྱེད།། དེ་ཉིད་བསྒྲལ་བའི་ཐབས་བསྟན་པ།། ཕྱག་རྒྱ་ཆེན་པོ་བཞི་དང་ལྡན་བྱས་ནས།། མ་ཏང་ཙིཏྟ་འདྲེན་པ་སྟེ།། ཨོཾ་བཛྲ་ཀི་ལི་ཀཱི་ལཱ་ཡ། ཀྲོ་དྷི་ཤྭ་རི་སྟྭཾ། མ་ཏྲ་ཀ་རུ་ཏྲ་ཧ་ན་ཧ་ན་ཧཱུཾ་ཕཊ། མ་ཏྲཾ་ཀའི་རུ་དྲའི་ཁོག་པའི
iiif viewer powered by OpenSeadragon
