| e-texts navigator |
| Wylie |
64a1 ཡི་ཐབས་ཀྱིས་འདུལ།། ཅེས་བགྲོས་སོ།། བཅོམ་ལྡན་འདས་ང་རྒྱལ་ཆེན་པོའི་ཚོགས་ཀྱིས་བགྲོས་པ། འདས་པའི་དུས་ན་སྔོན་བྱུང་བ།། ལས་ཀྱིས་འདུལ་བའི་རུ་དྲ་དེ།། རྒྱལ་བ་འདས་པའི་སྦྱོར་བ
64a2 ཡིས།། ཇི་ལྟར་ཁྲོ་དྲག་གཏུམ་པ་ལྟར།། ད་ལྟ་འདི་ཚེ་བྱུང་བ་ཡིན།། དུག་གསུམ་བརྩེགས་པའི་རི་བོ་འདི།། འབར་འཕྲོ་འཁྲུག་པའི་སྦྱོར་བ་ཡིས།། ཇི་ལྟར་འཚམ་པ་བཞིན་དུ་འོས།། སངས་རྒྱས་ཐམས་ཅད་འདུས
64a3 ནས་ཀྱང་།། ཁྲོས་པའི་སྤྲིན་ནག་གཏིབས་པ་ཡི།། འཐུན་སྤྱོད་རོལ་པའི་སྟོབས་ཆེན་གྱིས།། འཁོར་བ་བསྒྲལ་བའི་དུས་ལ་བབ།། ཅེས་བགྲོས་སོ།། བཅོམ་ལྡན་འདས་ཆགས་པ་ཆེན་པོའི་ཚོགས་ཀྱིས་བགྲོས
64a4 པ།། ཤིན་ཏུ་གདུག་ཅིང་གཏུམ་པ་ལས།། ཞི་བས་ཕན་པར་མི་འགྱུར་ཏེ།། ཤེས་རབ་ཐབས་ཀྱི་ངོ་བོ་ལས།། ཁྲོ་བོ་དེ་བཞིན་གཤེགས་ཀུན་མཛད།། ཁྲོ་བོའི་ཚུལ་ཅན་ཁྲོས་པས་ཀྱང་།། འཇིག་རྟེན་གསུམ་དག་སྲེག
64a5 བྱེད་ན།། སངས་རྒྱས་ཐུགས་རྗེ་ཁྲོས་པ་ཡིས། ཁམས་གསུམ་མ་ལུས་སྨོས་ཅི་དགོས།། ཞེས་བགྲོས་སོ།། བཅོམ་ལྡན་འདས་ཕྲག་དོག་ཆེན་པོའི་ཚོགས་ཀྱིས་བགྲོས་པ།། རང་བཞིན་དག་པའི་ངོ་བོ་ལས།། ལོག་རྟོག
64a6 ཕྱིན་ཅི་ལོག་གིས་བཅིངས།། དངོས་པོ་རང་ཁར་ཞེན་པ་ཡིས།། འདུལ་དཀའ་མ་ལུས་འདུལ་པ་དང་།། དམ་ཚིག་ལ་སྡང་རྣམ་སྦྱང་ཕྱིར།། དུར་ཁྲོད་གར་གྱི་ཕྱག་རྒྱར་མཛོད།། ཅེས་བགྲོས་སོ།། ཕུར་བ་བསྐལ་པ་མེ
iiif viewer powered by OpenSeadragon
