| e-texts navigator |
| Wylie |
63b1 གང་གིས་བསྟན་པ་ལ།། མ་དག་རཱ་ཏྲ་བྱུང་གནས་པས།། དུས་གསུམ་བདེ་གཤེགས་མ་ལུས་ཀུན།། བསྐུལ་བའི་ས་ལ་རབ་བཞེངས་ནས།། བཀའ་བགྲོས་རྒྱལ་བས་འདི་ལྟར་བགྲོས།། བཅོམ་ལྡན་འདས་ཁྲག་འཐུང
63b2 གི་སྙིང་པོས་བགྲོས་པ། ཀྱེ་འདུས་པའི་ཚོགས་ཆེན་དག། འདས་པའི་དུས་ན་སྔོན་བྱུང་ལྟར།། ད་ལྟར་དུས་འདིར་འབྱུང་བ་སྟེ།། དེ་བཞིན་གཤེགས་པའི་གསུང་རབ་ལས།། བདག་ཉིད་ཆེན་པོ་རྟབ་པ་ཡི།། ཁྲོ་བོ་ཆེན
63b3 པོའི་ཚུལ་དུ་སྔོན་བྱུང་བས།། དེ་ཚེ་སེམས་ཅན་ཐམས་ཅད་ཀུན།། ཤིན་ཏུ་ཁྲོས་དྲག་གཏུམ་པར་འགྱུར།། ཤིན་ཏུ་ཁྲོས་དྲག་གཏུམ་པ་ཡིས།། འོ་དོད་འབོད་པར་ལྟུང་བར་འགྱུར།། མི་བཟད་ཆེན་པོའི་སྡུག་བསྔལ
63b4 ཏེ།། དུག་གསུམ་མཐའ་ལ་མངོན་ཞེན་པའི།། ཇི་ལྟ་བུ་ཡི་ཐབས་ཀྱིས་འདུལ།། ཅེས་བསྒྲགས་སོ།། བཅོམ་ལྡན་འདས་གཏི་མུག་ཆེན་པོའི་ཚོགས་ཀྱིས་བགྲོས་པ། ཤིན་ཏུ་དུག་པའི་སེམས་ཅན་དེ།། ཇི་ལྟར་དེ་དག
63b5 གཞིག་འགྱུར་ན།། བག་ཆགས་ངན་པའི་ཆུ་རླབས་ཀྱིས།། བདུད་ཀྱི་ཚོགས་རྣམས་མངོན་འཕེལ་ནས།། རིག་པ་འཛིན་པའི་རྒྱུན་གཅོད་ཅིང་།། བསྟན་པའི་གསུང་རབ་འཇིག་པར་འགྱུར།། དེ་ཚེ་ལས་ཀྱིས་བསྒྲུབས
63b6 པ་ཡིས།། འགྲོ་བ་མ་རིག་མུན་པར་འཁྱམས།། དུག་ནད་རིམས་ནད་འཕྲ་མེན་མ།། གནོད་སྦྱིན་གདོན་དང་ལོག་འདྲེན་ཉིད།། སྲིད་པ་གསུམ་པོ་འཇིག་བྱེད་ཅིང་།། དམ་ཚིག་གཉེན་པོ་འདྲལ་བྱེད་པ།། ཇི་ལྟ་བུ
iiif viewer powered by OpenSeadragon
