| e-texts navigator |
| Wylie |
63a1 ལུས་ཐམས་ཅད་ལ།། དགོངས་པའི་བཅུད་འདུས་འདི་ལས་མེད།། རྟོགས་ནས་གཞན་ལ་སྨྲ་བྱེད་པ།། དེ་ཉིད་ང་ཡང་ཡིན་ཏེ་དབང་རྣམས་ཀྱི་མཆོག། ཅེས་གསུངས་ནས། གཉིས་སུ་མེད་པར་གྱུར
63a2 ཏོ།། དེ་ནས་འཁོར་གྱི་གཙོ་བོ་རྡོ་རྗེ་སེམས་དཔའ་སྟན་ལས་ལངས་ནས། འདི་སྐད་ཅེས་ཞུས་སོ།། ཨེ་མ་ཧོ་སྒྲོལ་བྱེད་ཀྱི་རྒྱལ་པོ།། བདེ་གཤེགས་ཀུན་གྱི་རྒྱུད་ཆེན་འདི།། ཞལ་བཞེས་དབང་བསྐུར་གནང་བ
63a3 ཆེ།། དབང་བསྐུར་བྱིན་བརླབས་ངོ་མཚར་རོ།། དུས་གསུམ་རྒྱལ་བ་ཀུན་གྱིས་ཀྱང་།། འབྱུང་བའི་ངེས་དོན་འདི་ལས་མེད།། ཐམས་ཅད་མ་ལུས་འབྱུང་བའི་གཏེར།། དབང་མཆོག་དམ་པ་ཨ་ལ་ལ།། ཀུན་འབྱུང
63a4 དཀྱིལ་འཁོར་ཨ་ལ་ལ། མ་དག་ལོག་ལྟ་ཇི་ལྟར་བསྒྲལ།། འཕྲིན་ལས་རོལ་པ་ཇི་ལྟར་འབྱུང་།། རྣལ་འབྱོར་གྲོལ་ལམ་ཇི་ལྟར་བསྒྲུབ།། བསྙེན་བསྒྲུབ་རྣམ་པ་ཇི་ལྟར་ལགས།། སྔགས་དྲུག་རྣམ་པ་དུ་རུ་འགྱུར།། ཉོན
63a5 མོངས་བདུད་ནི་གང་གིས་གཞོམ།། མི་ཤིགས་གཡུང་དྲུང་ཇི་ལྟར་བསྟེན།། རྒྱལ་པོའི་དགོངས་པ་མ་ལུས་ཀུན།། གང་དུ་ངེས་པར་འབྱུང་བར་འགྱུར།། ཕུར་པ་བསྐལ་པ་མེ་ལྟར་འབར་བའི་རྒྱུད་ལས། གླེང་བླང་བའི
63a6 ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་སྒྲོལ་བྱེད་ཀྱི་རྒྱལ་པོས་བཀའ་སྩལ་པ། ཉོན་ཅིག་རྡོ་རྗེ་སེམས་དཔའ་ཁྱོད།། ངས་གསུངས་པ་ལ་གདོན་མི་ཟ།། འདས་པའི་དུས་ན་སྔོན་བྱུང་ལྟར།། ང་འདས
iiif viewer powered by OpenSeadragon
