| e-texts navigator |
| Wylie |
61b1 ཀྱི་ཡོན་ཏན་རྣམས་དང་ཆོས་བདག་མེད་པར་བསྒོམ་པས། ཐམས་ཅད་འབྱེད་པའི་རྣལ་འབྱོར་ཁོང་དུ་ཆུད་པར་བྱའོ།། ཤེས་རབ་དང་ཡེ་ཤེས་ཀྱི་འཇོ་ཚུལ་གྱིས། གསང་བ་ལྔའི་བདག་ཉིད་ཀྱི་གཙོ་བོ་ལ་མཆོད་པར
61b2 བྱའོ།། དངོས་པོ་ཐམས་ཅད་དངོས་མེད་པར།། བཞི་བཅུའི་དོན་ནི་རྟོགས་པ་དང་།། རྡོ་རྗེ་པདྨ་དབང་བསྐུར་བས།། བདུད་རྩི་ལྔས་ནི་དགའ་བར་བྱེད།། གསང་བ་བྱ་བའི་ཆོས་གསང་བ།། གསང་ཞིང་སྦས་ཏེ་གཞག
61b3 པར་བྱ།། འདོད་ཡོན་ལྔ་ཡི་རྣམ་པ་ནི།། གཟུགས་སྒྲ་དྲི་རོ་རེག་རྣམས་ནི།། རྣལ་འབྱོར་སེམས་པས་དཔྱད་བྱ་ཞིང་།། དེ་བཞིན་བཟའ་ཞིང་བཏུང་བྱས་ན།། བལྟས་དང་ཁུ་ཚུར་རྣམ་པ་ཡིས།། སེམས་ཅན་ཐམས་ཅད
61b4 དབང་དུ་བྱེད།། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་གྱི་དྲ་བ་ལས། ཆོས་ཐམས་ཅད་བསྟན་པ་རིམ་པར་ཕྱེ་བ་སྟེ་བཅུ་པའོ།། །། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ལྷ་དང་། མི་དང་། ལྷ་མ
61b5 ཡིན་དང་། དྲི་ཟ་དང་། ཐམས་ཅད་དང་ལྡན་པའི་འཁོར་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་གྱི་དྲ་བ་ཐེག་པ་ཆེན་པོའི་ཡང་ཆེན་པོ།།
61b6 ཚུལ་ཟབ་མོ་ཆེས་གསང་བ་བས་ཀྱང་ཆེས་གསང་བ་རྫོགས་སོ།། །།
iiif viewer powered by OpenSeadragon
