| e-texts navigator |
| Wylie |
57b1 འགྱུར།། སྤྱན་ནི་བཟླས་བརྗོད་བརྗོད་བཞིན་དུ།། བླ་མེད་འཁོར་ལོ་བླང་བར་བྱ།། རྒྱལ་ཆེན་འཁོར་ལོ་གྲུབ་པ་དག། འོད་ནི་རྣམ་པར་སྣང་མཛད་བཞིན།། ལམ་གསུམ་འཇུག་པའི་སེམས་ཅན་ལ།། ཆོས་ཀྱི་འཁོར
57b2 ལོ་བསྐོར་བར་འགྱུར།། མི་འཁྲུགས་པ་ནི་རྣམ་བསྒོམ་ཞིང་།། རྡོ་རྗེ་མདུན་དུ་གཞག་ནས་ནི།། རིམ་པ་བཞིན་དུ་བསྐུལ་ན་འདིས།། སྐུ་གསུམ་རྣམ་པར་འཕེལ་གྱུར་ཞིང་།། འབར་བའི་འཕྲེང་ཆེན་མཉམ་པའི
57b3 འོད།། རྡོ་རྗེ་ཆེན་པོ་འཕགས་པར་འགྱུར།། མཱ་མ་ཀི་ནི་ཟློས་བཞིན་དུ།། རྡོ་རྗེ་བླ་མེད་བླང་བར་བྱ།། རྡོ་རྗེ་རྒྱལ་པོ་བླངས་པར་བྱ།། གཙོ་བོ་རྡོ་རྗེ་འཆང་ཉིད་འགྱུར།། གཙོ་བོ་ཆེན་པོ་སངས་རྒྱས་དང་།། བྱང་ཆུབ
57b4 སེམས་དཔས་ཡོངས་བསྐོར་ནས།། སེམས་ཅན་ཀུན་སེམས་ལ་གནས་པའི།། ལག་ན་རྡོ་རྗེ་རྡོ་རྗེ་འཆང་།། འཇིག་རྟེན་ཁམས་སུ་རྣམ་རྒྱུ་ཞིང་།། ཀུན་གྱི་བསམ་པ་ཡོངས་རྫོགས་བྱེད།། རིན་ཆེན་འབྱུང་བ་བསྒོམས
57b5 ནས་ནི།། རིན་པོ་ཆེ་ནི་མདུན་བཞག་སྟེ།། སྦྱོར་བའི་རིམ་པ་རྣམ་སྤེལ་ན།། རིན་ཆེན་ཆེན་པོ་འཕགས་པར་འགྱུར།། རིན་ཆེན་སྒྲོན་མས་ཟློས་བཞིན་དུ།། འོད་བཟང་གཟི་བརྗིད་འབར་བ་ཅན།། ཕྱོགས་ཀུན་སྣང་བར
57b6 བྱེད་པ་ཡིས།། ནོར་བུ་རྒྱལ་པོ་བླང་བྱ་བར།། ལྷ་རྫས་ནོར་བུ་བླང་བ་ཡིས།། རིན་ཆེན་འབྱུང་གནས་གཉིས་པར་འགྱུར།། དེ་ནི་སེམས་ཅན་ཐམས་ཅད་ཀྱི།། ཡིད་བཞིན་ནོར་བུ་ཆེན་པོ་སྦྱིན།། རིན་ཆེན་འབར་བ་རབ
iiif viewer powered by OpenSeadragon
