| e-texts navigator |
| Wylie |
345b1 གདུག་པ་འདུལ་ཕྱིར་རྫོགས་པའི་སྐུར་བཞེངས་ལ།། ཐུགས་རྗེ་དྲག་པོས་འགྲོ་བའི་དོན་མཛོད་ཅིག། ཅེས་གསོལ་བས།། དེ་ནས་བཅོམ་ལྡན་འདས་ཀྱིས་མཉམ་པ་ཆེན་པོའི་ངང་ལས་རོལ་པ་ཆེན་པོའི་སྐུ།། དྲེགས་པ
345b2 ཅན་ཐམས་ཅད་ཟིལ་གྱིས་གནོན་པ་བཞེངས་ཏེ། གདུག་པ་འདུལ་བར་བྱེད་པ་དཔའ་བརྟུལ་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ཏེ། རབ
345b3 ཏུ་འགུལ་ཞིང་སྡིག་གོ། འཁོར་དུ་གཏོགས་ཤིང་འདུས་པ་རྣམས་ཀྱང་བརྒྱལ་ཏེ།། རབ་ཏུ་གན་ཏེ་འགྱེལ་པར་གྱུར་ཏོ།། དེ་ནས་ཐུགས་ཀྱི་སྤྲུལ་པ་ཡ་མ་ར་ཛས་གསོལ་པ། ཀྱེ་མ་སངས་རྒྱས་ཀུན་གྱི་ངོ་བོ་རྡོ་རྗེ་འཆང་།
345b4 མཉམ་པའི་ངང་ལས་འཇིགས་པའི་སྐུར་ཁྲོས་ཏེ།། དཔའ་བརྟུལ་འབར་བྱེད་བསྟན་པ་ངོ་མཚར་ཆེ།། འཇིག་རྟེན་ཁམས་ཀུན་འུར་འུར་ཆེམ་ཆེམ་གཡོས།། འཁོར་དུ་གཏོགས་པ་རབ་ཏུ་གན་ཏེ་འགྱེལ།། འཁོར་རྣམས
345b5 སོ་སོའི་སྲོག་དང་ལྡན་པར་མཛོད།། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ཅི་ཡང་མ་ཡིན་པ་ཞེས་བྱ་བའི་ཏིང་ངེ་འཛིན་མཉམ་པ་ཉིད་ཀྱི་ངང་ལ་བཞུགས་སོ།། དེ་མ་ཐག་ཏུ་འཁོར་ཐམས
345b6 ཅད་བརྒྱལ་བ་སངས་ཏེ། བཅོམ་ལྡན་འདས་ལ་རང་རྟགས་སྲོག་གི་སྙིང་པོ་རྣམས་དྲིལ་ཏེ་ཕུལ་ལོ།། ཀྱེ་ཧོ། འཕགས་པའི་རྒྱལ་པོ་འཇམ་དཔལ་གཤིན་རྗེ་གཤེད།། རབ་ཏུ་ཁྲོས་པའི་སེམས་ཅན་དྲན་ཉམས་པ།། རྫུ
iiif viewer powered by OpenSeadragon
