| e-texts navigator |
| Wylie |
345a1 གཉིས་སུ་མེད་པ་མཉམ་པ་ཆེན་པོའི་ངང་ལས། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བཅུད་བསྡུས་ནས། གཡོ་བ་མེད་པའི་ངང་ལ་སྙོམས་པར་ཞུགས་སོ།། དེའི་ཚེ
345a2 དེའི་དུས་ན་ཉིད་ལས་མི་གཡོས་པའི་སྤྲུལ་པ་རྡོ་རྗེ་འཇིགས་བྱེད་དང་། དུས་གསུམ་གཅིག་པའི་སངས་རྒྱས་དང་། ས་དང་ལམ་ལ་གནས་པའི་བྱང་ཆུབ་སེམས་དཔའ་རྣམས་དང་། གདུག་པ་འདུལ་བའི་ཁྲོ་རྒྱལ
345a3 དྲེགས་པ་ཅན་རྣམས་དང་ཐབས་གཅིག་ཏུ་བཞུགས་སོ།། འདི་ལྟར་ཡེ་ཤེས་ཀྱི་གཤེད་བཞི་དང་། ཁྲོས་པའི་ཡུམ་བཞི་དང་། ཐར་བྱེད་ཀྱི་ཁྲོ་བོ་བརྒྱད་དང་། ཁྲམ་བདག་ཆེན་མོ་བཅུ་གཉིས་དང་། ཤན་པ་ཆེན་མོ་བཅུ
345a4 གཉིས་དང་། མདངས་ལེན་ཁྲོ་མོ་བརྒྱད་དང་། ཟ་བྱེད་ཀྱི་ཚོགས་དང་། ཟ་བྱེད་ཀྱི་ཚོགས་དང་། འཇོམས་བྱེད་ཀྱི་ཚོགས་དང་། མ་གདོན་གྱི་ཚོགས་དང་། གསོད་བྱེད་ཀྱི་ཚོགས་དང་། ཁྲམ་ཐོགས་འཐོམས་པ་བདུད
345a5 ཀྱི་ཚོགས་དང་། བརྩིས་བྱེད་ཀྱི་གྲི་ཐོགས་གིང་གི་ཚོགས་དང་། ཁྲག་སྨུག་ཟོར་ཐོགས་མ་མོའི་ཚོགས་དང་། ཤ་ཟ་སྲིན་པོ་དང་སྲིན་མོ་ལ་སོགས་ཏེ། དྲེགས་པ་ཅན་ཐམས་ཅད་དང་ཟབས་གཅིག་བཞུགས་སོ།། དེའི
345a6 ཚེ་འཁོར་དེ་དག་གི་ནང་ནས། ཐུགས་ཀྱི་སྤྲུལ་པ་འཇིགས་བྱེད་ཆེན་པོ་བཞེངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཡེ་ནས་མ་སྐྱེས་ཆོས་སྐུ་དག་པ་ཡི། མི་རྟོག་མཉམ་པའི་ངང་ལ་མ་གཡོས་ཀྱང་།།
iiif viewer powered by OpenSeadragon
