| e-texts navigator |
| Wylie |
344b1 འཛིན་གཙོར།། མཱ་ར་ཡ་ཡི་བརྡ་སྒྲས་འཇོམས།། དེ་དག་གཤིན་རྗེ་ནག་པོ་ཡིས།། འཁོར་ལོ་ཐུན་བསྡེབས་བསྒྲལ་བའི་ལས།། བརྣག་པའི་རྒྱལ་པོ་གསང་བའི་དོན།། འཁོར་གྱི་ཁྲོ་བོ་དྲེགས་པ་དང་།། ལྷ་དང་མཁའ
344b2 འགྲོ་རྣམས་ལ་གཏད།། དམ་ཚིག་སྲུང་དང་ཐུགས་བརྩེའོ།། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ངོ་།། འཇམ་དཔལ་གཤིན་རྗེ་གསང་བའི་རྒྱུད་ལས། རྒྱུད་གཏད་ཅིང་རྗེས་སུ་ཡི་རང་བའི་ལེའུ་སྟེ།
344b3 བཅུ་གཅིག་པའོ།། །། འཇམ་དཔལ་རིན་པོ་ཆེ་གསང་བའི་རྒྱུད་རྫོགས་སོ།། །། བལ་པོའི་རྒྱལ་པོ་བྷ་སུ་དྷཱ་ར་དང་། བོད་ཀྱི་ལོ་ཙྪ་བ་སྣརུབས་བན་སངས་རྒྱས་རིན་པོ་ཆེས། བལ་ཡུལ་བྷ་ར་སའི་བྲག
344b4 ཕུཕྲག་ཏུ་བསྐུར་བའོ།། །། རྒྱ་གར་སྐད་དུ། ཨཱརྱ་མཉྫུ་ཤྲི་ཀྲོ་དྷ། རཏྣ་གུ་ཡ་ཏནྟྲ། བོད་སྐད་དུ། འཕགས་པ་འཇམ་དཔལ་ཁྲོ་བོ་རིན་ཆེན་གསང་བའི་རྒྱུད། བཅོམ་ལྡན་འདས་དཔལ
344b5 གཤིན་རྗེ་གཤེད་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། རང་བཞིན་ལྷུན་གྱིས་གྲུབ་པའི་གནས། ཁྱབ་བདལ་ཆེན་པོའི་ཀློང་། རྒྱ་ཡོངས་སུ་མ་ཆད་པ། དུར་ཁྲོད་ཆེན་པོ་རབ་ཏུ
344b6 འཇིགས་པ། གཏུམ་པའི་ཚལ་བམ་རོ་སྤུངས་ཞིང་བརྩིག་པ། མཐིང་ནག་གྲུ་གསུམ་འབར་བའི་གཞལ་ཡས་ཁང་ན། བཅོམ་ལྡན་འདས་དཔལ་ཁྲོ་མཆོག་ཡནྟ་ཀ། ཟ་བྱེད་ཀྱི་ཡུམ་ཆེན་མོ་པེ་ཏ་ལི་དང་འཁྲིལ་ཏེ།
iiif viewer powered by OpenSeadragon
