| e-texts navigator |
| Wylie |
318a1 ལས་ཀྱི་སྐབས་ཏེ་བརྒྱད་པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དེ་ནས་ཏིང་འཛིན་རྣམས་གསུམ་གྱིས།། ཁྲོ་བའི་རྒྱལ་པོ་གཤིན་རྗེ་གཤེད།། སྙིང་པོ
318a2 སྔགས་ཀྱིས་ཡབ་ཡུམ་བསྐྱེད།། དེ་བཞིན་གནས་ནས་སྤྱན་དྲངས་ནས།། གཉིས་སུ་མེད་པར་བསྟིམ་པར་བྱ།། བསྟོད་ཅིང་མཆོད་པ་ཕུལ་ནས་ནི།། ཇི་ལྟར་འདོད་པའི་འཕྲིན་ལས་བཅོལ།། མས་ཡར་བགྲངས་པའི
318a3 ཚེཆོས་བརྒྱད་དེ།། ཉི་ཤུ་གསུམ་ནས་དྲུག་ཏུ་ནི།། ཞག་ནི་བཞི་ཡི་བར་དུ་ནི།། ཡ་མཱནྟ་ཀའི་བསྙེན་པ་དང་།། ཨོཾ་ཤྲཱི་མཉྫུ་ཡ་མནྟ་ཀ་ཡ་མ་རཱ་ཛ། དེ་བི་ཀྲོ་དྷི་ཤྭ་རི། ཡག་ཤ་ཛ་ཛ། ཨེ་ཀ་ཛ་ཏི་ས་མ་ཡ་སྟྭཾ། ཨོཾ་རུ་ལུ་རུ་ལུ་ཧཱུཾ
318a4 བྷྱོ་ཧཱུཾ། དགོངས་དང་ཐོ་རངས་གཏོར་མ་གཏང་།། ཅེས་གསུངས་སོ།། ཟླ་གསང་ནག་པོའི་རྒྱུད་ལས། ཕྱི་མ་ལས་ཀྱི་སྐབས་ཏེ་དགུ་པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས
318a5 སོ།། ལྷོ་ཕྱོགས་ཁ་བལྟས་མདུན་དུ་ནི།། ཧོ་ཁུང་གྲུ་གསུམ་རྩེ་མོ་ལྷོ།། ཆག་གང་ཐུར་དུ་བརྐོས་པ་ལས།། མིང་རུས་བསྲེགས་པའི་སོལ་བ་ཡིས།། ཁ་དོག་ནག་པོ་དག་ཏུ་བྱ།། དེ་ཡི་ནང་དུ་བན་དྷ་གཞུག། ཅེས
318a6 གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། དབང་དུ་བསྡུ་བའི་བཅའ་གཞིའི་སྐབས་ཏེ་བཅུ་པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་དབང་དུ་བསྡུ་བའི
iiif viewer powered by OpenSeadragon
