| e-texts navigator |
| Wylie |
317a1 སུ་སྒེག་མོ་རལ་གཅིག་མ།། གཡོན་དུ་ཟ་བྱེད་པེ་ཏ་ལི།། གཡས་གཡོན་གཉིས་ཀྱི་ཟླ་གམ་ལ།། སྐུ་ཡི་གཟུགས་བརྙན་དགོད་པར་བྱ།། ཡང་ན་སྙིང་པོ་ཡི་གེ་བྲི།། སྐུར་བསྐྱེད་དེ་བཞིན་བསྒོམ་པར
317a2 བྱ།། བྱང་གི་ཕྱོགས་ཀྱི་ཟླ་གམ་སྟེ།། སྙིང་པོ་ཡི་གེ་བྲིས་པ་ལས།། འཇིགས་བྱེད་ཡ་མ་རཱ་ཛ་ཡི།། སྐུར་བསྒོམས་མཆོག་ཕུར་སོར་གསུམ་གཟུགས།། ཟླ་གསང་ནག་པོའི་རྒྱུད་ཕྱི་མ་ལས། ལྷ་དགོད་པའི་བཅའ་གཞིའི
317a3 སྐབས་ཏེ་གསུམ་པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་ཡབ་ཡུམ་སྐུ་ཡི་གཟུགས།། གཞུང་ལས་སྨོས་པའི་ཡས་སྟེགས་རྣམས།། འཚོགས་པར་སྦྱར་བའི
317a4 སྣག་ཚ་ཡིས།། ཀང་ཀའི་སྒོ་འམ་འུག་པའི་སྒྲོས།། ཡི་དྭགས་ཀྱི་ནི་གོས་ལ་བྲི།། མཆོད་དེ་རབ་ཏུ་གནས་པར་བྱ།། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས།། འཁོར་ལོ་བཅའ་གཞིའི་སྐབས་ཏེ་བཞི
317a5 པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དགྲ་བོའི་རྐང་རྗེ་ཆུ་ཕུད་དང་།། བོང་བུའི་བདུད་རྩི་མཆིལ་སྣབས་དང་།། བའི་ལྕི་བས་ས་མར་སྦྱར།། ཁ་དགོངས་རྣམས་ལ
317a6 འགག་ཏུ་བྱ།། བྱ་རོག་རའི་ཁྲག་གིས་བྱུག། རི་ཤོ་མ་དང་གྲོ་ག་ལ།། དགྲ་བོའི་མིང་དང་རུས་བྲིས་ལ།། སྙིང་ཁ་དག་ཏུ་གླན་ཏེ་བཞག། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ལིང་ཁང་བཅའ་བའི
iiif viewer powered by OpenSeadragon
