| e-texts navigator |
| Wylie |
316b1 རྒྱ་གར་སྐད་དུ། ཨཱརྱ་མཉྫུ་ཤྲཱི་ཡ་མ་ར་ཛ། ཀྲྀཥྞ་གུ་ཧྱ་ཙནྡ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེ་གཤེད་ཟླ་གསང་ནག་པོའི་རྒྱུད། གཤིན་རྗེ་གཤེད་པོ་ལ་ཕྱག་འཚལ་ལོ།། ཐམས་ཅད
316b2 ཁྱེན་ཉིད་དཔལ་མགོན་མཛད།། གདུག་པའི་ཚོགས་འཇོམས་གཤིན་རྗེ་གཤེད་པོ་ལ།། དད་པས་སྤྱི་གཏུགས་རྒྱུད་འདི་བསྟན་པར་བྱའོ།། ཉོན་ཅིག་འདུས་པའི་འཁོར་ཚོགས་རྣམས།། ལྷོ་ཡི་ཕྱོགས་སུ་ཁ་བལྟས
316b3 པའི།། ཤིན་ཏུ་དབེན་པའི་དུར་ཁྲོད་དམ།། བྲག་དང་ས་ཕུག་དག་ཏུ་ནི།། བསྒྲུབ་པ་པོས་གནས་བཙལ་ལོ།། ཟླ་གསང་ནག་པོའི་རྒྱུད་ཕྱི་མ་ལས། གནས་བཙལ་བ་དང་བཅས་གཞིའི་སྐབས་ཏེ་དང་པོའོ།། །། དེ
316b4 ནས་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེས་འདི་སྐད་ཅེས་གསུངས་སོ།། གཞུང་དང་མཐུན་པའི་གནས་དག་ཏུ།། ས་ཆོག་མཚམས་བཅད་སྡིག་སྦྱངས་ལ།། ཆག་ཆག་ཐིག་གདབ་མགོ་མ་ཡེངས།། དཀྱིལ
316b5 འཁོར་མཐིང་ནག་གྲུ་གསུམ་ལ།། ཟླ་གམ་བཞི་དང་ལྡན་པར་བྲི།། ཐོད་འཕྲེང་དང་ནི་མེ་རི་འབར།། སྒོ་དང་སྒོ་ཁྱུད་ལྡན་པའོ།། ཟླ་གསང་ནག་པོའི་རྒྱུད་ཕྱི་མ་ལས། དཀྱིལ་འཁོར་བཅའ་བའི་སྐབས་ཏེ་གཉིས
316b6 པའོ།། །། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལྷོ་ཡི་ཕྱོགས་ཀྱི་ཟླ་གམ་ལ།། འཇིགས་བྱེད་རྒྱལ་པོ་གཤིན་རྗེ་གཤེད།། སྐུ་དང་གཟུགས་བརྙན་བཞུགས་སུ་གསོལ།། གཡས
iiif viewer powered by OpenSeadragon
