| e-texts navigator |
| Wylie |
5b1 ལྔར་བསྡུས།། ལྔ་པོ་འབྲུ་གསུམ་ནང་དུ་བསྡུས།། གསུམ་པོ་ཡི་གེ་ཨར་འདུས་ཏེ།། ཨ་ཉིད་མ་སྐྱེས་དབྱིངས་སུ་ཐིམ།། ཨ་ཧོ། སྟོང་ཉིད་མི་དམིགས་བརྗོད་མི་ལང་།། མི་གནས་དེ་བཞིན་ཉིད་ཀྱང་ནི།། ཚད་དཔག
5b2 མེད་དེ་བསམ་མི་ཁྱབ།། སྐྱེ་མེད་དབྱིངས་ཀྱིས་ཀུན་ལ་ཁྱབ།། མ་འགགས་བྱང་ཆུབ་སེམས་ཉིད་ནི།། དངོས་པོ་མེད་པས་སྐྱེ་འཇིག་མེད།། འགྲོ་མེད་འོང་མེད་མིག་གནས་པའི།། ཐུགས་རྗེའི་བྱིན་བརླབས་རྣམ་པར
5b3 འཕྲོ།། ཞེས་ཉིད་ལ་ཉིད་ཀྱིས་གསུངས་སོ།། དབྱིངས་དག་པ་ལས་དབྱིངས་ཀྱི་སྐུ་ཕྱག་རྒྱར་གསལ་བ་ངོ་མཚར་ཆེ་ནས། ཆེད་དུ་བརྗོད་པ་འདི་སྐད་བརྗོད་དོ།། དབྱིངས་ལ་ཐབས་ཀྱི་དབྱིངས་ཕྱུང་བས།། སྐུ་ཡི་ཕྱག
5b4 རྒྱ་ཆེན་པོར་གསལ།། ཐབས་ལས་དབྱིངས་ཕྱུང་ཡུམ་གྱི་རྒྱ།། དབྱིངས་དང་ཡེ་ཤེས་འབྱོར་པས་ན།། བྱང་ཆུབ་སེམས་ཀྱི་དཀྱིལ་འཁོར་ཡས།། ཨ་ཧོ། དེ་བཞིན་གཤེགས་པའི་དཀྱིལ་འཁོར་ངེས་པའི་དོན། དངོས་པོ
5b5 མེད་པའི་སྐུ་ཕྱག་རྒྱ་ཐིམ་པའི་ལེའུ་སྟེ་གསུམ་པའོ།། །། དེ་ནས་དེ་བཞིན་གཤེགས་པ་བཅོམ་ལྡན་འདས་དགེས་པ་ཆེན་པོས། འགྲོ་བ་ཐམས་ཅད་ལ་རང་བཞིན་གྱི་དཀྱིལ་འཁོར་ཡོད་པར་བསྟན་པ་དང་། འགྲོ་བ
5b6 རྣམས་ཀྱང་རིགས་རྣམ་པ་དྲུག་ཏུ་བཤད་དོ།། དེ་ལ་ཆོས་ཉིད་ཀྱི་རིགས་ནི་ཐམས་ཅད་ཀུན་ལ་ཡོད།། དཔེར་ནམ་མཁས་ཀྱང་ཀུན་ལ་ཁྱབ་པར་གནས་སོ།། དེ་ལྟར་ཆོས་ཀྱི་དབྱིངས་ཀྱང་ཀུན་ལ་ཁྱབ་ཀྱང་། མངོན
iiif viewer powered by OpenSeadragon
