| e-texts navigator |
| Wylie |
4b1 ལམ།། བཞི་བཅུ་དག་པའི་རྩ་གཉིས་རྫོགས།། དེས་ནི་ཕྱོགས་བཅུ་དུས་བཞི་བསྡུས།། ཐམས་ཅད་མིང་ཙམ་ཨ་ལ་ཐིམ།། ཨ་སྒྱུ་འཕྲུལ་དྲ་བ་ལས། ཆོས་ཐམས་ཅད་མིང་གི་མཚན་ཉིད་འཛིན་པ་དེ་ཀུན་ཡུམ་གྱི
4b2 དབྱིངས་སུ་འདུས་པ་གསང་བའི་ལེའུ་སྟེ་གཉིས་པའོ།། །། དེ་ནས་དེ་བཞིན་གཤེགས་པ་དགེས་པ་ཆེན་པོ་དེ། ཡེ་ཤེས་ལྔའི་དཀྱིལ་འཁོར་ལ་མཉམ་པར་བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད
4b3 དོ།། ལྔ་ཕུང་ཡན་ལག་ཐམས་ཅད་ཀྱང་།། འབྲུ་ལྔར་གནས་པའི་བྱང་ཆུབ་སྟེ།། ཨོཾ་དང་མུཾ་དུ་འབྲེལ་བ་ཡི།། བྱང་ཆུབ་རྡོ་རྗེ་དྲིལ་ལས་འབྱུང་།། སྤྱིར་ནི་བརྗོད་པ་ཐམས་ཅད་ཀྱང་།། ཀུན་ཀྱང་མིང་ཙམ་ཡི་གེ་ཨ།། སྐྱེ
4b4 འཇིག་ཉིད་ནི་ཡི་གེ་ལྔ།། དེ་ནི་བྱང་ཆུབ་སེམས་ཡིན་ཏེ།། གཉིས་མེད་བྱང་ཆུབ་མཆོག་འབྱུང་བ།། གསུམ་ཤར་ལྔ་འབར་བཅུ་འབྱོར་པ།། ཟད་མེད་རིན་ཆེན་གཏེར་ཡིན་ཏེ།། མངོན་ཤེས་དྲུག་ལྡན་མཚན་བཟོད
4b5 སྦགས།། ཨེ་ལས་འཕྲོས་ཤིང་ཨར་འདུས་པ།། གསང་བའི་ཐིག་ལེ་ཉིད་ཀྱི་དབྱིངས།། ནམ་མཁའི་དབྱིངས་ནས་སྤྲིན་འབྱུང་བ།། ཀུན་ལ་ཁྱབ་ཅིང་སྣ་ཚོགས་སྨན།། ཡི་གེ་བཞི་བཅུ་རྩ་ལྔ་ཡི། ཁོང་ནས་བསམ་གྱིས
4b6 མི་ཁྱབ་པའི།། བྱིན་བརླབས་ཡ་མཚན་རྨད་པོ་ཆེ།། ཡོན་ཏན་མི་ཟད་གཏེར་དུ་གྱུར།། ཧོ། ཡེ་ནས་མཉམ་ཉིད་གསང་བ་ཡི།། དཀྱིལ་འཁོར་དམ་པ་མཆོག་གི་དབྱིངས།། དབྱིངས་ལས་མི་གཞན་ཡེ་ཤེས
iiif viewer powered by OpenSeadragon
