| e-texts navigator |
| Wylie |
3b1 རིན་ཆེན་གསལ་འབར་བར།། དེ་ལས་བྱུང་ནས་སླར་ཡང་ཐིམ།། ཨ་ཐམས་ཅད་མ་ལུས་ཐིག་ལེའི་དབྱིངས།། མི་འགག་ཐིག་ལེའི་མཆོག་ཉིད་ལས།། སྐུ་ལྔའི་ཡིག་འབྲུ་ལྔ་པོ་ཀུན།། ཐམས་ཅད་ཡུམ་གྱུར་དབྱིངས
3b2 སུ་ཐིམ།། སླར་འདུས་ཕྱག་རྒྱ་འོད་འབར་བ།། གསལ་འབར་སྤྲིན་གྱི་བདག་པོར་གྱུར།། བྱང་ཆུབ་སེམས་སུ་ཐིམ་པ་ལས།། ཀུན་ལ་ཁྱབ་ཅིང་མི་གནས་ཤིང་། ཁ་དོག་དབྱིབས་དང་གནས་མ་ཡིན།། ཡོན་ཏན་མཆོག
3b3 གི་སྙིང་པོ་ནི།། རྟོག་གེའི་སྤྱོད་ཡུལ་ཡོང་མ་ཡིན།། ཟབ་ཅིང་རྒྱ་ཆེ་རབ་སྦྱངས་པའི།། སྐལ་ལྡན་བརྟན་པའི་སྤྱོད་ཡུལ་ཏེ།། གཞན་ནས་བཙལ་ཞིང་བརྟག་ཏུ་མེད།། ཐམས་ཅད་ནམ་མཁའི་མཚན་ཉིད་དེ།། སྣ་ཚོགས
3b4 འཇིག་རྟེན་ཁམས་གཡོ་དང་།། རྒྱལ་བ་མངོན་འབྱུང་ཐམས་ཅད་ཀུན།། ནམ་མཁའི་དབྱིངས་སུ་མ་གྱུར་པ།། དུས་བཞི་ཕྱོགས་བཅུ་གང་ནའང་མེད།། དུས་གསུམ་བདེ་གཤེགས་ཉིད་མི་མངའ།། སྔོན་གྱི་བདེ
3b5 གཤེགས་ཐུགས་ཆུད་པའི།། ནམ་མཁའི་ངང་དུ་ཐམས་ཅད་ཐིམ།། ཐམས་ཅད་ཤེས་རབ་དབྱིངས་ཉིད་པས།། དབྱིངས་ལ་དབྱིངས་ཀྱིས་རྣམ་པར་སྦྱོར།། ཤེས་རབ་དབྱིངས་གཉིས་སྦྱོར་བ་ནི།། བྱང་ཆུབ་རྡོ་རྗེའི་ཐིག
3b6 ལེ་ཡིན།། དཀྱིལ་འཁོར་བསམ་ཡས་ལྷུན་གྲུབ་པ།། རྒྱ་དང་བྲལ་བའི་གཞས་ཡས་ཀྱིས།། ཀུན་ལ་ཁྱབ་ཅིང་མི་གནས་པ།། ཡོན་ཏན་མཆོག་གི་གནས་ཡིན་ཏེ།། མ་བཅོས་རྒྱུན་གྱི་སྐད་ཅིག་མ།། དེ་ཡིས་མ་བྱས་གང
iiif viewer powered by OpenSeadragon
